اكياس تعبئة مياه المضاد الحيوي من شركة المهندس منسي

العميل : السلام عليكم

المهندس منسي : عليكم السلام ورحمة الله وبركاته

العميل : شركة إم تو باك

المهندس منسي : أيوه

العميل : والله عايزين اكياس البلاستيك

المهندس منسي : نعم؟

العميل : إحنا شركة أدوية عايزين أكياس البلاستيك بتاعت اللوليتا

المهندس منسي : المادة نفسها اسمها إيه؟

العميل : لأ أنا كنت عايز أورد من عندك أكياس البلاستيك، متوفرة عندك ولا مش متوفرة عندك؟

المهندس منسي : إحنا عندنا الأكياس البلاستيك آه، بس أنواعها كتير جداً

العميل : هوه حضرتك بص أنا عايز النوع اللي بيتعبى فيه المياه، اللي هوه البروفيل  اللي هوه هحط فيه مياه عشان أحطها في الصيدليات، هل الكيس ده عندك

المهندس منسي : إنت عايز الأكياس اللي بيتعبى فيه المياه، في نوعين من المياه، في المياه بتاعت المياه بتاعت المضاد الحيوي، وفي المياه اللي هي بتتحط في الإبر…

العميل : لأ أنا عايز مياه مضاد حيوي

المهندس منسي : آه.. آه.. الخامات دي عندنا آه

العميل : الأكياس دي موجودة عندك؟

المهندس منسي : مش أكياس بقى إنت تاخد رول

العميل : آه ما هو أنا باخد رول ذات نفسه

المهندس منسي : إنت عايزها أكياس ولا رولات؟

العميل : هوه مش الرول مش المكنة بعد كده بتعملهالي أكياس؟

المهندس منسي : أيوه هي المكنة بتاخده رول لأنه ما ينفعش إنك تاخدها أكياس لأنه هتعبيها أكياس إزاي، فلازم تبقى في هيئة رولات

العميل : أيوه الله ينور عليك

المهندس منسي : فالمكنة تاخدها وتعبيها وتقفلها لك وتعملك كل حاجة، هي  موجودة

العميل : الرول الأكياس دي نفسها نوعها إيه؟  يعني النوع اللي موجود…

المهندس منسي : بتبقى لامينيتد، الشائع اللي هوه عموماً نوعين من المنتجات، بيبقى بولي آميد بولي إيثيلين، هوه حاجة اسمها بولي آميد دبل إي دبل إيه واخد بالك وبعدين بولي إيثيلين، وفي حاجة تانية بولي إستر إي دبل إيه بولي إيثيلين، وفي بولي إستر…

العميل : أنا عايز اللي هوه إل دي في الأول ،آخر حاجة اللي هوه البولي إيثيلين ده

المهندس منسي : بص هوه إنت ليك مجالك وأنا ليا مجالي، أنا فاهم يعني إيه إل دي، يعني هركبلك الـ إل دي بره، الـ بي إي إل دي دي هركبها لك بره تمسك في الصكوك، لأ هوه المفروض إن الخامة اللي بره تكون أولاً ضد الصدمات وضد الاحتكاك وترمبلتي بتاعها والنفاذية بتاعتها صفر، واخد بالك، فإحنا فاهمين في المنتج بتاعنا، كل اللي عليك بس إنك عايز خامة تقيلة ولا خامة خفيفة، خامة مغيمة ولا خامة شفافة

العميل : تمام.. تمام.. تمام…

المهندس منسي : أما بالنسبة لنا إحنا المفروض إن إحنا نعامل ضميرنا في منتجنا

العميل : تمام.. كويس جداً، أنا فهمت قصدك كده

المهندس منسي : إحنا لينا اسم عالمي على مستوى العالم…

العميل : أنا أصلاً جبتكم عن طريق النت، فمعرفش أي حاجة بصراحة يعني قعدت سألت كتير عن ناس يعني وجبتكم عن طريق النت، لقيت الموقع بتاعكم كويس جداً، محدش دلني ولا حاجة بس قلت أتصل أستفسر عن الموضوع

المهندس منسي :  هوه حضرتك فاهم بس اللي قصدي أقولهولك إن بي إي دي إنه عشان يبقى معترف بيه صحياً

العميل : هوه زي ما حضرتك بتوصلي كده بالضبط هوه ده بالضبط زي ما أنا عايز يعني

المهندس منسي : آه.. هوه الـ بي تي… بولي إيثيلين هودي ميستي

العميل : أيوه صح هوه هودي ميستي أيوه تمام هوه ده

المهندس منسي : بي تي إل إي دي

العميل : هوه ده صح مادام موجود عندك يبقى هوه ده المطلوب صح

المهندس منسي : ما ينفعش بقى إنك تاخد بولي إيثيلين لودي ميستي واتعشت على كده ما ينفعش، لازم تاخد البولي إيثيلين لودي ميستي وبعدين فقويه طبقة اسمها إي دبل إيه وفوقه الطبقة طبقة طبقة تانية اسمها بي إي إيه أو بولي آميد…

العميل : دي بتبقى اتفاقات بقى

المهندس منسي : آه لأنه الـ 2 ليهم خصائص ميكانيكية فيزيائية مع بعض ضد كهربا  وضد الاحتكاك وضد الصدمات وضد الحرارة… وضد كل حاجة

العميل : تمام… طب حضرتك دلوقتي المفروض إنك بجيبلك التصميم ده وحضرتك بتطبعهولي على رول وآجي أستلمه منك صح؟

المهندس منسي : آه.. بتجيبلي التصميم وتيجي تختار الخامة وتقولي الكيس هيبقى مقاسه كام وبعد كده هتقولي الكمية اللي حضرتك هتحتاجها أد إيه، نبدأ نقولك آه بناء على مواصفات اللي حضرتك عايزها التركيبة دي هتبقى بكذا

العميل : هوه الأول الكيلو يعمل كام كيس مثلاً، لازم أقولك المواصفات طبعاً الأول صح؟

المهندس منسي : كل حاجة لازم تديني كل حاجة وبعد كده أقولك المواصفات دي الاحتمالية بتاعتها هتبقى كذا

العميل : تمام.. تمام…

المهندس منسي : طبعاً…

العميل : طب أعرف المواصفات منك إزاي، أصل أنا بصراحة ما أنتجتوش قبل كده المنتج ده كمياه يعني…

المهندس منسي : في أوردي موجود أفيربول خامات هتختار منا الخامات ولكن ضميرنا إحنا، ضمير الصناعي بتاعنا إحنا اللي هيقولك الخامة دي تصلح والخامة ديت ميكانيكياً أفضل، والخامة ديت ميكانيكياً أقل، والخامة ديت كذا.. كذا.. كذا

العميل : تمام.. طب ممكن عنوان الشركة وأنا هاجي لحضرتك؟

المهندس منسي : أقول لحضرتك على حاجة

العميل : اتفضل

المهندس منسي : ما بتلاحظش إن فوانيس العربيات تلاقي فانوس العربيات إنت جايبه شفاف وبيبرق وزي الفل وتروح مركبه أسبوعين 2 تلاقيه جير وحالته بالبلا الأزرق

العميل : بتحصل كتير

المهندس منسي : ونفس العملية تروح التوكيل وتقول لا ده أنا جايبه من التوكيل، وتجيبه بقى حاجة محترمة قوي تلاقي فعلاً عاش، إيه الغرابة دي، مع إن ده بلاستيك وده بلاستيك

العميل : آه

المهندس منسي : بس ده بلاستيك نوعه إيه؟ وده بلاستيك نوعه إيه؟ ما هو ممكن أروح أديلك بلاستيك يادوب تحط الخامة المياه بتاعتك من هنا المتفلترة وتركبها تبص تلاقي ريحتها خنت، بقى فيها ريحة

العميل : لا ده الحاجة تتفرض، دي بتروح وزارة الصحة ترفض على طول

الله ينور عليك، اسمنا النهاردة هيبقى إيه؟؟ ما هو إنت هتاخد اسمي وكل ما تقعد المهندس منسي : مع حد هتقول المهندس منسي…. فهمتني إزاي

العميل : أنا كده كده في متابعة مع وزارة الصحة…

المهندس منسي : أما أنا لو عندي ضمير في شغلي ورفضت إن أنا أنصاع للعميل، لأنه العميل دايماً عمال يجرني، يعني دايماً العميل العربي حاجة غريبة الشكل، دائماً وأبداً عايز يشدك للخطوة الأقل، وفي الآخر لو إنت وافقته في الآخر مش هيضر نفسه، هوه هيضر نفسه وهيضرك معاه

العميل : تمام صح.. صح..

المهندس منسي : فدائماً وأبداً لا بهتم إن أقوله… بقوله والله ده سعري

العميل : هوه حضرتك أشوف العينات إزاي؟

المهندس منسي : وسعر المنتج قليل المنتج كذا، وده مش عندي ولا هعمله

العميل : تمام… تمام.. طب حضرتك أشوف العينات إزاي أو أتواصل معاكم إزاي؟

المهندس منسي : بالزيارة بقى يا دكتور

العميل : ماشي الشركة فين بالضبط؟

المهندس منسي : إنت منين؟

العميل : المكتب بتاعنا في مدينة نصر

المهندس منسي : إحنا عندنا حدائق القبة، مدينة نصر، باب الشعرية، 6 أكتوبر

العميل : يعني أنا ممكن أروح فرع مدينة نصر عادي

المهندس منسي : آه

العميل : طب ما تديني حضرتك فرع مدينة نصر وأنا أبقى أروح لهم

المهندس منسي : هبعتلك الداتا بتاعته كلمه بقى وخد منه العنوان

العميل : تمام خلاص ماشي يا فندم

المهندس منسي : ماشي مع السلامة

العميل : آخدها منك في رسالة ولا إزاي؟

المهندس منسي : هبعتهالك في رسالة حالاً

العميل : تمام.. شكراً يا فندم والله، شاكرين أفضالك والله، هوه حضرتك المهندس مين؟

المهندس منسي : المهندس منسي

العميل : شكراً يا فندم والله، أنا هكلمه بإذن الله هقوله أنا كلمت الباش مهندس منسي وهوه دلني على حضرتك وأروحله بإذن الله

المهندس منسي : إن شاء الله

العميل : شكراً يا باش مهندس، اتفضل