اكياس سكر فنادق من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : إزيك يا باشا

المهندس منسي : أهلاً بيك اتفضل

العميل : شركة المهندس منسي صح

المهندس منسي : أيوه

العميل : دلوقتي أنا كنت عايز لسه هبدأ مشروع تعبئة السكر زي بتاعت الفنادق

المهندس منسي : آه…

العميل : إيه دلوقتي أنا كنت عايز الأكياس اللي هي الورق اللي هي الصوابع دي

المهندس منسي : آه يعني عايز المكنة ولا عايز الورق نفسه

العميل : الورق نفسه، هي المكنة غالية؟

المهندس منسي : المكنة بتعمل

العميل : يعني فيما يعادي 70000 جنيه كده

المهندس منسي : لا 45000 جنيه

العميل : آه.. لا أنا عايز الورق لأن أنا لسه هبدأ المشروع فيعني إيه مش هقدر أجيب المكنة ديت

المهندس منسي : هيبقى صعب إن إنت تاخد الورق وتقعد تصنع الأكياس وبعد ما تصنع الأكياس تقعد تعبيها وكده يعني هوه العملية إن أنا مش عايز أبيع وبس، لأ أنا بفيدك برده

العميل : تمام…

المهندس منسي : هيبقى بالنسبة لك الموضوع صعب جداً

العميل : ما هوه أنا عايز الأكياس تييجي جاهزة، وأنا عندي المكنة هقفلها

المهندس منسي : آه… حضرتك تقدر تشرفنا لأن إحنا عملنا برده مكنة صغنونه كده واخد بالك على الأد للناس اللي همه عايزين يبدأوا

العميل : بتعمل إيه المكنة دي

المهندس منسي : تعملها في حدود ، يعني 12000 جنيه

العميل : تمام…

المهندس منسي : دي إنت تديلها بالمعلقة وهي تعملك الكيس وتلحمه

العميل : تمام… تعمل هي الكيس وتلحمه، وأنا أحط بالمعلقة، تمام طب إنت مكان حضرتك فين يا باشا

المهندس منسي : إحنا عندنا حدائق القبة، مدينة نصر، باب الشعرية، لما تروح للي هتروحله قوله أنا عايز المكنة الذكية

العميل : اسمها المكنة الذكية

المهندس منسي : تمام..

العميل : يعني إنت حضرتك الورق ده مافيش مطبعة بتعمله مثلاً

المهندس منسي : هوه أنا قولت ما بنعملوش، ما قلتلك بنعمله

العميل : يعني أنا ممكن…

المهندس منسي : عندنا الورق، وعندنا… الناقص بس نجيب السكر

العميل : طب أنا هقولك على حاجة حلوة، أنا عايز كل أسبوع أو كل أسبوعين 20 ألف من الورقة دي

المهندس منسي : ولا حاجة، حضرتك برده تشرفنا علشان أنا مش المبيعات بتاع الشركة، أنا المستشار الهندسي بتاع الشركة

العميل : آه.. تمام.. أصل، أنا عايز أقولك على حاجة، أنا من بورسعيد تمام، فأنا يعني إيه لو جيتلك هجيلك بس وأنا بضبط معاك أول مرة بس، بعد كده هنتعامل مع بعض تبع شركة الشحن

المهندس منسي : ولا حاجة.. ولا حاجة عادي

العميل : تمام.. طب ممكن تديني رقم مسئول المبيعات أكلمه

المهندس منسي : هبعتهولك في رسالة حالاً

العميل : متشكرين جداً لحضرتك

المهندس منسي : ماشي يا باشا

العميل : مع السلامة