اكياس سكر للمطاعم من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : كنت بسأل على أكياس السكر بتاعت المطاعم
المهندس منسي : آه موجودة
العميل : تمام.. الكميات كام؟
المهندس منسي : كميات إيه؟؟ كميات إنت عايز تطبعها ولا إيه؟
العميل : آه عايز ألف سكر بني وألف سكر أبيض
المهندس منسي : لا ده إحنا عندنا المكن اللي بيعبي وعندنا المكن اللي الورق، بس مش إحنا اللي بنصنع، إحنا بنبيع للمصانع
العميل : بتبيع للمصانع
المهندس منسي : آه بنبيع للمصانع المكن، يعني لو حضرتك عايز تقوم مصنع يعبي سكر في صوابع إحنا بقى نديلك المكنة ونديلك خامة الورق
العميل : طب تكلفتها كام؟
المهندس منسي : تكلفة المكنة ولا تكلفة الورق؟
العميل : الـ 2 مع بعض مشروع صغير كده
المهندس منسي : يعني المكنة بتعمل ، أما الورق بقى ده بيبقى حسب الكمية وحسب الشكل وحسب…
العميل : طب الورق ده ينفع أطبع عليه؟
المهندس منسي : آه ينفع عليه
العميل : يعني آخد منك الورق سادة وأطبع عليه في المطبعة…
المهندس منسي : عادي آه لو عايز تاخده مني سادة جايز، لو عايز تاخده مني مطبوع جايز
العميل : مافيش حاجة أرخص من ، كتير بالنسبة للمشروع
المهندس منسي : لأ مش ،
العميل : ما أنا فاهم، مافيش حاجة أرخص شوية، مافيش حاجة صيني، حاجة مثلاً أقل شوية
المهندس منسي : والله لو في حاجة يا مسهل يا رب، بالتوفيق للجميع، بس ده أرخص سعر مش في مصر، ده أرخص سعر في العالم كله
العميل : ما أنا فاهم بس لو في أكيد منتج أقل شوية مثلاً في إيطالي، في أمريكاني، في صيني، حاجة صيني مثلاً سعر أرخص شوية
المهندس منسي : صدقني لو في أرخص يبقى خير إن شاء الله
العميل : طب ده رقمي بتاع الواتس مع حضرتك لو في أي حاجة ابعتلي علي الواتس
المهندس منسي : آه.. ماشي ربنا يسهل
العميل : ماشي يا كبير، ماشي شكراً
