اكياس فاكيوم لتغليف بكر الخيط من شركة المهندس منسي
العميل : ألو سلام عليكم.
المهندس منسي : عليكم السلام
العميل : شركة المنسي؟
المهندس منسي : أيوه.
العميل : لو سمحت أنا كنت بسأل على أكياس اللي هي الفاكيوم اللي هي بتعمل فيها البكر بتاع الخياطة ده.
المهندس منسي : الفاكيوم اللي هي إيه.
العميل : اللي هي بالحرارة اللي هي….
المهندس منسي : آه.. آه.. موجودة آه.
العميل : موجودة؟
المهندس منسي : آه.. عاملة 3500 جنيه.
العميل : هي إيه بقى بالضبط.
المهندس منسي : المكنة اللي هتغلفك بكر الخياطة بالسلوفان الحراري، السلوفان اللي هوه تحس إن هوه مكرمش عليه كده.
العميل : أنا مش عايز المكنة، أنا عايز الأكياس نفسها.
المهندس منسي : آه.. موجودة برده.
العميل : موجودة بالكيلو صح.
المهندس منسي : آه.. الكيلو بـ 28.
العميل : طب لو حبيت أطبع عليهم حاجات زي….
المهندس منسي : إنما في مقاسات أكبر الكيلو فيها السعر ينزل.
العميل : آه طب لو حبيت أطبع عليهم وكده ممكن؟
المهندس منسي : آه إن شاء الله.
العميل : طب المكان فين عشان إحنا نيجي
المهندس منسي : إحنا عندنا حدائق القبة، مدينة نصر، باب الشعرية.
العميل : فين في باب الشعرية؟
المهندس منسي : هبعتلك العنوان في رسالة حالاً.
العميل : خلاص، ماشي شكراً.
