خامات ورولات الدبل فيس من شركة المهندس منسي

العميل : مساء الخير يا فندم

مهندس منسي : مساء النور

العميل : من فضلك كنت عايز أسأل على الدبل فيس عرض 30 سم ألاقي عند حضرتك؟

مهندس منسي : كمية أد إيه؟

العميل : والله أنا الكمية مش قادر أحصرها، إحنا عندنا شغل كتير عرض 30 سم

مهندس منسي : آه

العميل : بس أنا مش قادر أحصرها، بس أنا كنت عايز أطمن هوه موجود ولا لأ الأول

مهندس منسي : ما هوه أشوف بس اللي إنت عايزه وأنا تحت الأمر، لإن إحنا بنستوردهولك بالطلب

العميل : طب أدنى كمية بتبقى أد إيه عشان حضرتك تقدر تجيبهالي

مهندس منسي : ربع طن

العميل : بسيطة… أستأذن حضرتك في مقاسات تانية موجودة حالياً أي مقاسات تانية غير 30 سم

مهندس منسي : هوه أردي إحنا ممكن يكون عندنا استوك وممكن لو معندناش استوك من العينة اللي حضرتك عايزها نجيبهالك بالطلب، فحضرتك إديني عينة أشتغلك عليها

العميل : طب معلش أنا آسف هجهد حضرتك شويه، الدبل فيس اللي موجود المقاسات الاستاندر مقاسات إيه، أنا ممكن أقطع مش مشكلة

مهندس منسي : متر و20

العميل : يعني موجود حالياً متر متر و20 ممكن نقطعه عادي

مهندس منسي : آه.. آه وفي 60 ـ وفي 70 كده يعني

العميل : طب تمام يا فندم، أنا هسأل حضرتك سؤال تاني معلش، هوه ينفع يتقطع على سويتر ولا أقطعه بطريقة تانية؟

مهندس منسي : لا.. لا دي ليه سويتر مخصوص

العميل : خلاص لو حضرتك متوفر المتر و20 سم ليه ما تقطعليش الـ 30 من غير ما تستوردلي إياه؟

مهندس منسي : ما هوه أنا معنديش السويتر المخصوص دوت، هقطعهولك عند حد تاني

العميل : خلاص طيب، معلش أقدر أعرف الـ 120 ده عرض الرول يعني كام متر؟

مهندس منسي : ما هوه حضرتك دلوقتي إديني الطلبات بتاعتك أشتغلك عليها، مش أنا اللي هقولك على الطلبات اللي عندي أنا اللي عندي…

العميل : لا مش القصد، خلاص ماشي، أقدر أتواصل مع حضرتك إزاي غير التليفون؟

مهندس منسي : عادي تشرفنا بالزيارة، بس هات عينة معاك أشتغل عليها

العميل : حاضر أنا هجيب لحضرتك عينة…

مهندس منسي : قولي عايز إيه وأنا أشتغلك عليها

العميل : آه أنا محتاج الشيت 30 × 30 أصل الموضوع يعني

مهندس منسي : آه… إنت محتاج الشيتات 30 × 30

العميل : آه ما هوه عشان كده بقول لحضرتك أنا مش محتاج رول، أنا محتاج الشيت نفسه حتى لو هوه رول أنا هقطع

مهندس منسي : لا ما تقلقش ما عندناش مشكلة

العميل : ماشي يا فندم، يعني لو جيت لحضرتك بكره أقدر لو لقيت اللي يناسبني أشتريه فوراً يعني؟

مهندس منسي : لا ده بياخد من أسبوع لـ 10 أيام، عبال ما نطلع من المخازن اللي عندنا، وبعد كده نقصه وبعد كده نسلمك

العميل : طيب يا فندم، مافيش مقاسات جاهزة أقدر آخدها بكره يعني، أي مقاس

مهندس منسي : إزاي مقاسات جاهزة، ما هوه مش عارف، مش مقاسك مش مقاس استاندر إن أنا أبقى مجهز علشان في واحد جاي هيتصل بيا في اليوم الفلاني هطلعهومله، فهمتني، يعني عمرك ما هتلاقي مقاس جاهز من 30 × 30 دبل فيس، استحالة

العميل : أنا فاهم

مهندس منسي : إنما ممكن تقطعك بالطلب آه مافيش مشكلة

العميل : مافيش مشكلة، لو حضرتك الـ 120 ده متوفر ممكن آخده 120

مهندس منسي : آه ممكن آه

العميل : خلاص آجي لحضرتك بكره على العنوان.. أنا معايا العنوان تقريباً شارع الجيش، العنوان ده سليم

مهندس منسي : اه باب الشعرية تمام كده

العميل : اتفضل يا فندم، ما اتحرمش منك يا باش مهندس، شكراً جزيلاً اتفضل يا فندم

مهندس منسي : مع السلامة