اكياس pvc لتغليف احجار الديكور من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : شركة المهندس منسي

المهندس منسي : أيوه

العميل : من فضلك إنتم عندكم بتعملوا أكياس تعبئة وتغليف ولا إيه؟

المهندس منسي : إن شاء الله كل ما يخص التعبئة والتغليف من مكن وخامات ورولات…

العميل : طيب بتشتغلوا في الـ بي في سي؟

المهندس منسي : كل أنواع البلاستيك أياً كان آه طبع…

العميل : وطبع كمان

المهندس منسي : إن شاء الله

العميل : بإذن الله والله أنا بعمل منتج زلط ديكوري

المهندس منسي : آه زلط ديكور

العميل : آه بالضبط كده حضرتك، فطبعاً أنا كنت بحطه في حاجة معينة، في جرادل بلاستيك شفافة…

المهندس منسي : آه دي هتبظهولك

العميل : لأ ده الجرادل بيحط في الزلط تروح مشروخة من تحت وبتعملي مشاكل وبتهدر وغالية جداً فاستبعتها

المهندس منسي : هوه له طريقة لتغليفه

العميل : آه ففي شنطة كانت جتلي من عند واحد صديقي دكتور، هي عبارة شفت حضرتك شنطة الإريل، كيس الإريل، بس دي القطعتين اللي في الجنب لوحدهم منفصلين ولونهم فضي، يعني هوه فاصل الجنبين اللي همه المفروض يدبسوا من تحت عشان خاطر يخلوها تقعد، يخلي الشكارة نفسها تبقى قاعدة، واخد بال حضرتك

المهندس منسي : معاك

العميل : فطبعاً كان جابلي الشكارة دين وسافر، فأنا بصراحة مش عارف أوصل للمصنع اللي بيصنع الشيكارة ديت، فإحنا بنبحث على النت فلقينا رقم حضرتك فقولنا ربنا يفيدك تفيدنا يعني ولو حضرتك بتعمله يبقى…

المهندس منسي : لا ما تقلقش لو عايز الشنطة ابعتلهالي وأنا أعملك زيها بالضبط ما تقلقش، ولكن لو عايز تسمع نصيحتي لوجه الله الزلط بتاعك له طريقة تانية للتغليف، لأنه إنت دلوقتي عايز تحافظ عليه من الصدمات

العميل : آه

المهندس منسي : لأنه بيصدم ببعضه، هتحطه في شنطة هيقعد يحتك ببعضه مضبوط؟؟ فله طريقة تانية حضرتك هتيجي تبص على المكنة لو جيت قابلت حد من المبيعات قله عايز مكنة الفاكيوم اللي بتغلف بالتجليد بالبلاستيك، يعني حضرتك هترص الزلط بتاع حضرتك دوت على فرخ مثلاً ورق….

العميل : لا.. لا… الموضوع عندي إن هي حبيبات بتتحط في أحواض السمك وبتتحط في الفازات بتاعت الورد ده منتج ده اللي هيتعبى زي ما حضرتك بتقول، عندنا منتج تاني تعمله حاجة…

المهندس منسي : الزلط اللي هوه الأوروبي دوت اللي كنا نشوفه…. ياخدوه يحطوه زي تحف كده

العميل : لأ المنتج بتاعنا حبيبات بتتحط في شيكارة مافيش أي حركة فيها غير في النقل في الحاجات ديت، وبعد كده بتستخدم.. أنا حتى المواد اللي بستخدمها صلبة يعني الاحتكاك ما بيأثرش فيها في أي حاجة، أنا كل الموضوع إن أنا عايز بشياكة الشكارة تبقى شفافة وجميلة جداً، ففي واحد صحبي جابلي عينة في مصنع عنده كام رول كده حوالي 2 طن 3 طن عارف حضرتك البلاستيك الـ بي في سي اللي هوه التقيل اللي عامل زي المشمع اللي بيتحط لسقف العربيات

المهندس منسي : آه… عندنا ستوك أكتر من 250 طن لو حبيت تاخد منه

العميل : أيوه فأنا النهاردة اتسليت كده عندي مكنة اللي بتكوي الجلد ده بعملت الشيكارة وحطيت فيها المنتج بقى هايل جداً وشكله ظريف قوي

المهندس منسي : آه.. ابعتلنا الشيكارة اللي عجبتك ديت وإحنا إن شاء الله قادرين عليها

العميل : طب خلاص مافيش مشكلة، حضرتك مكانك فين؟

المهندس منسي : إحنا عندنا حدائق القبة، مدينة نصر، باب الشعرية، 6 أكتوبر

العميل : المكان اللي نقابل حضرتك فيه؟

المهندس منسي : مش شرط أنا إنت هتقولهم أنا كلمت المهندس منسي علي الواتس، وقالي هاتلي واحدة وإحنا نعملك عليها

العميل : عامة باب الشعرية قريب، وأكتوبر برده جنبينا مش، أنا على الدائري كده

المهندس منسي : أبعتلك أنهي رقم فيهم؟

العميل : ماشي أكتوبر وباب الشعرية

المهندس منسي : حاضر هبعتهملك همه الـ 2 دلوقتي حالاً

العميل : طيب خلاص ماشي يا باش مهندس

المهندس منسي : تأمرني مع السلامة

العميل : متشكر جداً لذوقك مع السلامة