خامات رول السلفر والبلاستيك من شركة المهندس منسي

 

العميل : سلام عليكم.

المهندس منسي : عليكم السلام ورحمة الله وبركاته.

العميل : سعادة الباشا.

المهندس منسي : أهلاً بيك مين معايا؟

العميل : أحمد معاك، أنا بعت لسعادتك الإيميل، إنت قولتلي ابعت إيميل على الطلبية رول السلفر والبلاستيك.

المهندس منسي : آه.

العميل : تمام.

المهندس منسي : خير إنت عايز المكنة ولا عايز إيه.

العميل : أنا عايز المكنة، بس أنا اتكلمت على الرقم ده تقريباً قالي ابعت إيميل بالانت عايزه، أنا عايز أفهم بقى سعر المكنة كام؟ بتشتغل على كهرباء كام؟ وزنها كام؟ واخد بالك حضرتك، المواد الخام سعرها كام؟ وكام مكرو؟ والمواد الخام بتختلف…

المهندس منسي : إحنا مش بنقدم دراسة جدوى إحنا بنقدم مكنة….

العميل : أوكيه ماشي… ما إحنا بنسأل سؤالين سعر المكنة كام؟ والأوبشن بتاعها إيه؟ بس المواد الخام سعرها كام؟

المهندس منسي : سعر المكنة 18.

العميل : سعر المكنة 18؟

المهندس منسي : آه سعر المكنة 18000 جنيه مصري.

العميل : تمام، والمواد الخام سعرها كام السلفر والاستريتش؟

المهندس منسي : دي مش تبعنا، مش عندنا.

العميل : مش عندك.. آه، بس تقريباً على الرقم ده قالي برده على سعرها.

المهندس منسي : لا اللي عندنا مش….

العميل : وما كنش سعرها كده برده على فكرة لما أنا سألت على الرقم ده برده.ماكنش سعرها كده برده.

المهندس منسي : آه… إحنا عندنا الألومنيا اللي عندنا ألومنيا صناعية مش ألومنيا بدائية.

العميل : ماشي ألومنيا صناعية…

المهندس منسي : الفرق كده ممكن عشان ال كان ساعتها ممكن يبقى بـ7.5 دلوقتي ال بقى بـ 9.

العميل : يا باشا ده كان لسه أول امبارح على الرقم ده ومكلمه وقالي سعرها بالنسبة لل، إنته بتتكلمه.. في شركات تانية بتاخد من غير ال وسعرها معروف، وشركات تانية، بس أنا بكلمك على أساس إيه، لما أنا كلمته قالي سعرها على أساس أنها 12000 جنيه بالضبط على ما يعادل بال برده، لأن إنت هتطلب 1200 جنيه، إيه ، تمام، لما تيجي تحسبها بال اللي هوه دلوقتي 8.75 مش 9.5 أو 10 هتلاقيها مثلاً عامله 11 عامله 11 وشويه، المواد الخام برده سألته عليها قالي ابعتلي إيميل. أنا على فكرة مدير مشتريات.

المهندس منسي : أهلاً وسهلاً.

العميل : أهلاً وسهلاً بحضرتك، بس فبعتله إيميل ومعلش مش شركة واحدة، أنا بعت لـ3 4 إيميلات، وبعمل  البيعة دي، بس فسألته على الأوبشن بتاعها قالي ابعتلي إيميل، فهي مش كل ما أتصل ألاقي السعر زاد، بس فبفهم بس مش أكتر، لأن هي أصلاً هي وظيفة واحدة، على فكرة ده اللي هي هاف أتوماتيك والنص أتوماتيك التلاتة سعرهم مختلف وهي ما فيهاش أصلاً فكرة، يعني في الأول خالص في الشغل الأولاني هي كلها ولف، مفيهاش فكر، يعني مفيهاش فكر، النص أوتومايتك والأتوماتيك ممكن يكون فيها فكر شوية.فأنا بتكلم على العادية، زي الغسالة العادية كده مروحة وحلة، بس.

المهندس منسي : معاك يا باشا اتفضل.

العميل : بس كده.

المهندس منسي : أنا سامعك يا غالي اتفضل.

العميل : بس خلاص أنا خلصت كلام..أنا بس بسأل أصل أنا أول مرة اتصلت قبل كده سمعت رقم تاني، وسمعت رقم.. رقم حضرتك ده أول مرة أسمعه، دي حاجة، الحاجة التانية قالي ابعت ميل وابعت كل التفاصيل اللي إنت عايز تسأل فيها على نفس الرقم ده برده اللي هوه 012.

المهندس منسي : آه…

العميل : بس كده يا ريس.

المهندس منسي : لا حاضر إن شاء الله.. هوه.. هوه.. أصل هي أم ، بس 1200 ده قليل قوي، قول ، هوه عموماً ال في البنك بـ8.75، واخد بالك.

العميل : تمام.

المهندس منسي : فإنت لو رحت تشتري من البنك مش هتشتريه، مش هيدولك.

العميل : ما هوه مش هتشتريه ولا حد عاد بياخد ، والموضوع بقى صعب.

المهندس منسي : إحنا بنتعامل دايماً على ال اللي في السوق السوداء، واخد بالك.

العميل : ماشي وفي شركات بتعامل بالمصري، على فكرة في شركات سألتها التعامل بالمصري عادي بس ال…

المهندس منسي : أنا لما هاخد منك هاخد منك بالمصري.

العميل : تمام، سعر ال.

المهندس منسي : بس لما هاخد منك هاخد منك بالمصري بسعر ال الموجود في السوق مش في البنك.

العميل : آه… مش الموجود في البنك.. تمام، الموجود في السوق السوداء صح.

المهندس منسي : ما هي خد السعر ده عندك وده آخر سعر عندنا ده .

العميل : بـ ؟

المهندس منسي : آه بـ ، واخد بال معاليك.

العميل : ده اللي هي العادية، اللي هي العادية.

المهندس منسي : آه… والمكنة دي بيتسأل عليها تبعت ميل ومحدش بينفذ، وطول النهار والليل أسئلة أسئلة أسئلة…..

العميل : لا يا عم أنا هنفذ… بالنسبة للتنفيذ أنا هنفذ إن شاء الله عشان كده أنا بسأل وبعتلك إيميل وبعرف الإيميل وصل ولا لأ.

المهندس منسي : ابعته تاني.

العميل : لا هتلاقي وصل أنا بعته بالضبط الساعة 11.30 النهاردة.

المهندس منسي : فيها إيه لو بعته تاني هوه أنت هتتعب في شيله؟

العميل : ماشي أنا بشيك بس بشوفه وصل ولا ما وصلش.

المهندس منسي : شيك.

العميل : ماشي.مين معايا بقى؟

المهندس منسي : مع حضرتك المهندس منسي.

العميل : ماشي يا باش مهندس.. ماشي أحمد عبد الجواد معاك.

المهندس منسي : عاشت الأسامي، هوه حضرتك بقى مدير مشتريات فين؟

العميل : في شرم والله.

المهندس منسي : شركة إيه بقى؟

العميل : شركة شيراتون.

المهندس منسي : شركة شيراتون..آه أهلاً بيك.. اتشرفنا بيك يا غالي.

العميل : أهلاً بيك يا ريس.. ماشي.

المهندس منسي : أما أم 2000 ، هوه في منها بـ 1500 وفي منها بـ2000 ، أما أم 2000 فيها أوبشن زيادة، أنا ما نصبتش عليك ولا حاجة.

العميل : آه.. آه، أنا صورت… أنا على فكرة الصور الموجودة على الإيميلات أنا صورتها اللي هي الهاف أتوماتيك والفل أتوماتيك، والهاف أتوماتيك بتختلف طبعاً فيها شغل كتير، أما العادية جداً اللي بتقطع واللي بتعمل بس، دي عادية، فلما قرتها كده 1200 عشان كده اتكلمت وحسبتها لقتها بنفس الطريقة.

المهندس منسي : آه…

العميل : بس، فإحنا يعني اتشرفنا بحضرتك وإحنا إن شاء الله على اتصال ببعض والإيميل وصل لحضرتك ولو كونتاكت ما بينا وبين بعض وكده هنخلص، بس المشكلة في المواد الخام، يعني أنا سألت على نفس الرقم على السيلفر ورول البلاستيك قالي بـ17… الطن بـ 17.5 والسيلفر مش عارف بأد إيه، أنا كاتبهم في ورقة عندي بصراحة، مش فاكر والله.

المهندس منسي : اه

العميل : لا ده في المكتب مش معايا، أنا بكلمك من بره. بس وكام ماكرو، قولته كام مكرو، طب ممكن تتديني أقل كمية أد إيه؟ وممكن تتجزأ عشان أنا الطن هشيله إزاي؟ بس هي دي الفكرة. يعني لما تبقى خمسينات خمسينات تقدر تشيلها، إنما طن بقى ده أنا عايز كلارك وعايز فيلم تاني… يعني كده يعني.. لستة تكاليف.

المهندس منسي : آه… أصل في ألمونيات متنوعة، في ألومنيا بوتاجاز، وفي ألمونيا اللي بتخش البوتاجاز، الألومنيا اللي بتبقى فوق البوتاجاز دي عندنا دي موجودة.

العميل : آه.. الرول السلفر اللي هوه…

المهندس منسي : اللي هوه بيتحط على البوتاجاز..

العميل : أيوه.. والاسترتش.

المهندس منسي : أما اللي بيتحط جوه البوتاجاز ده مش عندنا.

العميل : لا لا مش عاوز جوه البوتاجاز أنا عاوز اللي فوق البوتاجاز رول السلفر المتداول اللي بيتعمل فيه الأكل العادي.

المهندس منسي : هوه ده اللي عندنا، ومش بـ 17 ده بـ36.

العميل : بـ 36 ألف الطن، صح.

المهندس منسي : آه.. بـ 32 و 36.

العميل : أنا خدت أرقام مختلفة جداً، ماشي.

المهندس منسي : وفي بـ 28.

العميل : وفي بـ 28… ما هو على حسب الماكرو كام ماكرو وكده يعني… طب في خامات.

المهندس منسي : آه.

العميل : طيب إن شاء هنتعامل مع بعض سواء في المواد الخام سواء في المكنة، سواء في المواد الخام….

المهندس منسي : ده شرف لينا.

العميل : الله يخليك، لا والله يا باش مهندس ده الشرف لينا إحنا والله، شرف لينا فعلاً، فربنا يسهل أنا بعت لحضرتك الإيميل وفروده تاني ونشوف.. نشتغل عليها بإذن الله يعني.

المهندس منسي : إن شاء الله.

العميل : ماشي.

المهندس منسي : ماشي يا ريس تحت أمرك يا ريس الله يخليك.