الطبة الفوم قطر 36 من شركة المهندس منسى
العميل : السلام عليكم
المهندس منسى : عليكم السلام ورحمة الله وبركاته
العميل : أ/ محمد جاد معايا
المهندس منسى : المهندس منسي معاك
العميل : إزيك يا باش مهندس إزي حضرتك
المهندس منسى : الحمد لله
العميل : والله يا باشا كنت سألت من شويه كده على الطبة الفوم قطر 36
المهندس منسى : آه بنعملها
العميل : تمام يا باشا، بس أنا كنت بتكلم عايز أعرف سعرها كام؟ وعايز كمية بس عايز نهائي الله يكرمك لو هاخد 500 ألف
المهندس منسى : هيبقى الألف في حدود 120 جنيه
العميل : 120 جنيه ولا هيبقى في سعر تاني؟
المهندس منسى : لا ما هو أنا بس أشوف الخامة اللي إنت هتحتاجها إيه، أنا بقولك مبدئياً كده
العميل : تمام… بس مش 120 مش كتير يا هندسة على الألف
المهندس منسى : ما هو أنا بقولك أراوند السعر، يعني ممكن يقل، ممكن يزيد
العميل : تمام… يعني لازم آجي لحضرتك الأول عشان نشوف العينة والحاجات دي
المهندس منسى : إن شاء الله
العميل : طب ماشي.. بس اللي هوه التقريبي 120
المهندس منسى : آه في الحدود دي
العميل : طب متشكر جداً لذوق حضرتك، ماشي، سلام
