العبوات البلاستيكية 120 مللي لتعبئة الغسول الطبي من شركة المهندس منسي

 

العميل: السلام عليكم

المهندس منسي: عليكم السلام ورحمة الله وبركاته

العميل: المكتب الهندسي بتاع شركة المهندس منسي

المهندس منسي: أيوه

العميل: بقولك الله يكرمك هوه إنتم شغالين في العبوات البلاستيكية ولا الزجاجية؟

المهندس منسي:  لا البلاستيكية

العميل: يعني كله بلاستيك

المهندس منسي: آه

العميل: طيب عندكم البلاستيك اللي هي 120 مللي اللي بتستخدم في تعبئة المضمضة والغسول المهبلي والأشربة، الأدوية الشرب؟

المهندس منسي: لأ عادي.. إحنا بنصنع العبوات بالطلب للعميل

العميل: آه… لكن مافيش ستوكات موجودة

المهندس منسي:  لا هوه إحنا بس عشان ضرب المنتجات بنعمل العبوة خاصة بالعميل عشان ما حدش يقلدها يعني

العميل: آه.. تمام، يعني أنا لو طلبت إزازة 120 مللي

المهندس منسي:  آه بنعملك الاسطمبة

العميل: تعملي اسطمبة

المهندس منسي:  آه وبناء على الاسطمبة نبدأ ننفذلك الكمية اللي إنت عايزها

العميل: بس أنا ما بطلبش كميات كبيرة، فأنا ببقى محتاج آخد أي عبوة 120مللي

المهندس منسي:  هي كميات حضرتك في حدود أد إيه؟

العميل: 10 آلاف

المهندس منسي:  ما هوه 10 على 10 بس دي بتبقى عبوتك محفور عليها اسم شركتك وكده يعني

العميل: بتحفر عليها اسم الشركة؟

المهندس منسي:  آه

العميل: آه… بس إنت هتكلفني اسطمبة

المهندس منسي:  بس في الآخر إنت حافظت على منتجك

العميل: والله إحنا كان المصنع اللي كان بيجيبها بس حابب إن أنا أوفر شويه واخد بال حضرتك فقلت إيه؟؟؟

المهندس منسي:  أصل عملية المنتج اللي بيتحط في عبوة لازم العبوة تتأمن

العميل: آه

المهندس منسي:  إنما تاخد عبوة أي حد ييجي ياخد مكانك؟؟؟ يعني ييجي ياخد زيه زيك، برده شكلها مش لطيف يعني… دلوقتي عبوة حضرتك اللي حضرتك هتبعتلي صورة وإحنا هننفذلك عليها، هنعمل شكل خاص بيك إنت

العميل:طيب والاسطمبة بتكلف أد إيه بقى؟

المهندس منسي:  في حدود

العميل: مش كتير… أنا فاكر هتتكلف مبلغ كبير يعني… طيب عندكم برطمانات؟

المهندس منسي:  إحنا بنصنع كل العبوات

العميل: أنا عايز برطمانات بقى، عايز أشتري برطمان جاهز

المهندس منسي:  نفس الموضوع

العميل: ما عندكش برطمان جاهز أشتريه على طول؟

المهندس منسي:   لأ.. هوه سياسة الشركة إنها بتعمل عبوات خاصة بالعميل، كلمة عبوة يعني بطرمان، يعني علبة، يعني كيس… كل ده اسمه عبوة

العميل: يعني أنا لو لقيت اسطمبة معينة من البرطمان أبعتهالك تعملي اسطمبتها وتعملي العدد اللي أنا عايزه

المهندس منسي:   إن شاء الله

العميل: بس أنا في البرطمانات ما بحتاجش كميات كبيرة، يعني آخري 5000

المهندس منسي:   هوه عادي طالما عملنا الاسطمبة نقدر نصنع عليها الكمية اللي إنت عايزها

خلاص هبعتلك صورتها دلوقتي وشوفلي إمكانيتها… طبعاً الغطا بتاعها بيبقى موجود عندكم؟

المهندس منسي:   إن شاء الله

العميل: طيب ماشي، هبعت لحضرتك صورتها دلوقتي…ماشي يا سعادة الباشا، مع ألف سلامة

المهندس منسي:    مع السلامة