أكياس وشنط من شركة المهندس منسي
العميل: سلام عليكم
المهندس منسي: عليكم السلام ورحمة الله وبركاته
العميل: شركة المهندس منسي
المهندس منسي: أيوه
العميل: إزيك يا باشا
المهندس منسي: الحمد لله
العميل: باشا بعد إذنك أنا شركة منتجات في أكتوبر وكنت دخلت على الصفحة الخاصة بالشركة وكان في أكياس كده اللي هي شنط حضرتك حاطط صورها فهي أنا شايف إنها ممكن تكون مناسبة لينا، فأنا ممكن آجي مثلاً أقابل حضرتك إمتى بحيث إن أنا أتفق مع حضرتك آخد عينات لأنه طبعاً هيبقى مثلاً هيبقى تعاقد على طول مثلاً، مع حضرتك أحمد…
المهندس منسي: آه ماشي، هبعتلك أنا دلوقتي عنوان الفرع وحضرتك هتقابل أي حد من المبيعات وتتعامل معاهم من 11-9
العميل: تمام طبعاً يوم الجمعة اجازة
المهندس منسي: آه…
العميل: مضبوط، مين معايا؟
المهندس منسي: المهندس منسي
العميل: أهلاً وسهلاً يا باش مهندس، وطبعاً إن شاء الله يكون في تعامل ما بينا بإذن الله
المهندس منسي: ماشي يا باشا
العميل: ده رقمي مع حضرتك أهوه وأنا منتظر رسالة حضرتك
المهندس منسي: تحت أمرك يا باش مهندس
العميل: مع السلامة
