اوراق فويل تغليف العلب والبوتجاز من شركة المهندس منسى

العميل: سلام عليكم

المهندس منسى: عليكم السلام ورحمة الله وبركاته

العميل: شركة المهندس منسي

المهندس منسى: أيوه

العميل: لو سمحت كنت بسأل على ورق الفويل اللي هوه بتاع الطعام وفرش البوتاجاز

المهندس منسى: آه.. فرش البوتاجاز عندنا إنما الطعام ما بنجيبوش، ما بنجبش اللي هوه بيقفل العلب، إنما التاني اللي هوه 15 ميكرون ده ما بنجيبوش، بنجيب اللي هوه فرش البوتاجاز

العميل: سعره عامل كام الطن دلوقتي؟

المهندس منسى: يعمل في حدود 36000

العميل: ده اللي هوه 11 ميكرون

المهندس منسى: لأ فرش البوتاجاز 40 ميكرون

العميل: آه… طب يا فندم المكان فين في إسكندرية طيب؟

المهندس منسى: لا إحنا في القاهرة

العميل: أنا كنت فاكرك في إسكندرية والله

المهندس منسى: هوه قريب هنكون في إسكندرية

العميل: اللي مديني رقمكم قالي إنكم في إسكندرية

المهندس منسى: ما هو على أساس إن إحنا هنفتح في إسكندرية في برج العرب قريب

العميل: ربنا ييسرلك الأمور

المهندس منسى: مش برج العرب قريب من إسكندرية؟

العميل: برج العرب أول إسكندرية من الصحراوي

المهندس منسى: آه يعني كام دقيقة كده أكون في إسكندرية؟

العميل: من برج العرب يا باشا حاجات بسيطة طوالي ما فيش ربع ساعة 20 دقيقة تقريباً، لأن هي أقرب من العامرية والعامرية من الموقف 20 دقيقة تقريباً

المهندس منسى: آه هوه إحنا دلوقتي بنجهز في الأرض هناك ان شاء الله هنفتح عندكم مصنعين إن شاء الله

العميل: لا أنا من طنطا يا باشا مش من إسكندرية

المهندس منسى: نفتح فرع في طنطا عشان خاطرك

العميل: الله يخليك يا باشا

المهندس منسى: ما هو الناس كلهم ما بين إسكندرية وبين طنطا وبين….

العميل: آه بالضبط وبين القاهرة برده كلنا، طب مكان حضرتك فين في القاهرة يا باشا؟

المهندس منسى: إحنا عندنا حدائق القبة، مدينة نصر، باب الشعرية، غمرة

العميل: ما شاء الله يعني أقدر أجيلك أي فرع من دول

المهندس منسى: إن شاء الله

العميل: طب يا فندم لازم ناخد بالطن الأوزان الكبيرة دي ولا ممكن ناخد صندوق 150 كيلو كده يعني…

المهندس منسى: عادي.. عادي.. طالما بضاعة حاضرة خد اللي إنت عايزه

العميل: الله يخليك يا فندم، ألف شكر يا باشا، ألف شكر

المهندس منسى: مع السلامة

العميل: اتفضل يا فندم