طبات الومنيوم من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : إزيك يا باش مهندس
المهندس منسي : أهلاً بيك
العميل : لو سمحت كنت بسأل حضرتك على برشام ألومنيا
المهندس منسي : آه..
العميل : بس مش عاوزها اللي هوه المكنة، اللي هوه زي المسمار بالضبط، السمك بتاعه 5 مللي زي المسمار بالضبط، بيخش دق
المهندس منسي : إحنا عندنا الألومنيا لبرشمة العبوات البلاستيك، يعني خام الألومنيا اللي بيبرشم العبوات البلاستيك والبرطمانات وعلب الكريم… عارف إنت تغطية علب البرشام اللي هي تغطية الكبسولات وتغطية… ده الألومنيا اللي بسنتخدمها بس
العميل : طيب لو كده تقدر تفيدني حضرتك…
المهندس منسي : الألومنيا اللي بنستخدمها هي ألومنيات التعبئة والتغليف، يعني ألومنيا مثلاً بنرشم بيها على العبوات، يعني بنبيعها للي عايز يبرشم بيها على العبوات…
العميل : فاهم حضرتك.. زي الشريحة
المهندس منسي : يبرشم برطمانات.. يبرشم العبوات
العميل : زي بتاع الأدوية كده
المهندس منسي : آه يبرشم برده الشرايط…
العميل : طب كنت بقول لحضرتك ممكن تفيدني حضرتك ممكن ألاقي حاجة زي كده فين؟
المهندس منسي : لو كنت أعرف ما كنتش اتأخرت عنك
العميل : ماشي يا باش مهندس، كتر خيرك يا باش مهندس شكراً، مع السلامة
