برطمانات بلاستيك لمبيدات زراعية وأسمدة وأدوية بيطرية

العميل: سلام عليكم

المهندس منسي: عليكم السلام ورحمة الله وبركاته

 

العميل: لو سمحت في عندكم برطمانات؟

المهندس منسي: إن شاء الله

العميل: طب يعني برطمانات كيلو مثلاً موجود؟

المهندس منسي: لا هو إحنا بنصنع الاسطمبات الأول، وبعد ما نصنع الاسطمبة بنفذلك عليها اللي إنت عايزه

العميل: إنما مافيش حاجة جاهزة أوردي أعمل عليها….

المهندس منسي: هو إحنا لما بنصنعلك الاسطمبة إحنا كده بنحافظ عليك، بنعملك عبوة برطمان خاص بيك بتاعك إنت، فكده عشان خاطر ما يبقاش بطرمان في إيد الدنيا كلها، أي حد يضربلك منتجك، فده أمان ليك

العميل: ما هو مافيش في مشكلة، بس أحياناً….

المهندس منسي: بالنسبة لنا دي السياسة بتاعتنا

العميل: آه… طيب هوه إحنا الشركة بتنتج مبيدات زراعية وأسمدة وأدوية بيطرية، والمصنع في برج العرب الجديدة، في المنطقة الصناعية التالتة

المهندس منسي: آه…

العميل: فإحنا أحياناً بنصنع للغير، فأحياناً الغير ده بيطلب عبوة خاصة بيه هوه فبنعمله أوردر، مثلاً 3 ـ لغاية ما هوه يبدأ يعمل يعني يبدأ يحط الكاتجيري ده عندي

المهندس منسي: آه

العميل: فأحياناً بحتاج حاجة جاهزة لغاية ما الكاستومر  نتفق على كاست معين

المهندس منسي: آه…. هوه للأسف ماعنديش حاجه جاهزه عندنا كاستومايز خاصة بالعميل، إعدادات خاصة للعميل

العميل: طيب مافيش حاجة إنتم عاملينها نقدر نشوفها؟

المهندس منسي: في آه… ممكن تشوفها

العميل: في إمكانية حتى تبعتلي سامبل على عنوان المعادي….

المهندس منسي: لا اللي هوه إحنا بناخد عينة ولا عينتين من كل منتج، لو أنا احتفظت بعينات كتيرة هيبقى محتاجين أماكن كبيرة

حضرتك بس أنا عايز أشوف الشغل عامل إزاي يعني

المهندس منسي: حضرتك تيجي تشرفنا تتفرج عليها

العميل:  المتعارف عليه إن إحنا بنطلب مثلاً سامبل بتجيلنا في مكتب المعادي يا إما في المصنع يا إما في مكتب الشركه ، بيجيلنا العينات بنشوفها بنبدأ نعمل عليها اختبارات الأول عشان لو مش هتنفع….

المهندس منسي: ما هو زي ما قلت لحضرتك سامبل من إيه؟؟؟ سامبل العبوة بتاعت حضرتك إحنا بنصمم الاسطمبة وبنفذ عليها، لما حضرتك تعمل اسطمبة نبدأ نشوف

العميل: عايز أشوف بس الشغل عامل إزاي، الشكل عامل إزاي، العبوة نفسها الخامة بتاعتها لما عندنا في الاختبارات في المعمل هتبقى كويسة ولا….

المهندس منسي: أنهي عبوة… أنهي عبوة؟؟؟ مش عبوة حضرتك؟ لما عبوة حضرتك تنتج إن شاء الله نبعتهالك

العميل:  طيب أوكيه

المهندس منسي: مع السلامة

العميل: … طيب