برطمانات تعبئة الطحينة من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : إزيك يا باشا

المهندس منسي : أهلاً بيك

العميل : لو سمحت أنا جبت رقمك من على النت، كنت بستفسر عن برطمانات الطحينة الربع كيلو والنص كيلو والكيلو

المهندس منسي : آه

العميل : موجودة إن شاء الله

المهندس منسي : هوه إحنا بنصنع بناء على طلب العميل، يعني بنعمل الاسطمبة الأول وبعد ما نعمل الاسطمبة بنبدأ ننفذ عليها العبوات، عشان نضمن خصوصية العميل، يعني…

العميل : آه.. يعني مافيش عبوات استاندر عندك

المهندس منسي : يعني معناها إن رشيدي النهاردة منزل عبوة، راح جاب عبوة استاندر في إيد الدنيا كلها، ولا ميز نفسه بعبوة

العميل : آه.. لا ميز طبعاً

المهندس منسي : طب، إحنا بقى بنشتغل مع الناس اللي بتعمل كده، أما اللي بينزل زيه زي الناس ده مش تبعي، عشان أنا بحاول قدر الإمكان إني أرقي المنتج، أخلي المنتج كويس، حاجة عالية قوي، فأنا مع كده

العميل : نعم… طيب حضرتك ما تعرفشي تدلني على ناس بتبيع عبوات عادية، أنا لسه بجرب منتج يعني

المهندس منسي : لا للاسف انا اعرف نفسي وبس

العميل : ماشي شكرا يا فندم سلام