برطمانات صغيرة لتعبئة الملح من شركة المهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل:شركة المهندس منسي
المهندس منسي: أيوه
العميل: كنت بسأل على حضرتك بتصنعوا البرطمانات الصغيرة زي الملاحات كده بيتعبى فيها الملح
المهندس منسي: آه بنصنعها بالطلب
العميل: طيب في عند حضرتك أشكال ممكن نبص عليها عشان نختار حاجة نعمل زيها يعني؟
المهندس منسي: لا هوه إحنا بناخد الشكل الموجه من العميل، يعني العميل بييجي قولي اعملي الشكل ده
العميل: آه بس مافيش عند حضرتك حاجة جاهزة قصدي يعني….
المهندس منسي: كل شغلنا بيبقى على حسب طلب العميل
العميل: آه بس…
المهندس منسي: هوه المجال ده المفروض إن كل واحد بينزل بشكل خاص بيه هوه، أما لو إنت بقى هتشتغل شعبي ده مش عندنا
العميل: الشغل الشعبي اللي حضرتك تقصد بيه البرطمانات العادية كده؟
المهندس منسي: آه
العميل: آه… طيب حضرتك ماعندكش عينات نشوفها ممكن نشتغل زيها يعني، حاجة ممكن تنفع
المهندس منسي: ممكن تجيب عدد من الأشكال من على النت ونعملك زيها
العميل: طب حضرتك دي عشان نشتغل ونعمل الشكل اللي إحنا عايزينه ده بياخد وقت أد إيه؟
المهندس منسي: يعني انوي إنت بس وربنا يسهل
العميل: ما إحنا ناويين عشان كده بتصل
المهندس منسي: تاخد في حدود 21 يوم ـ 15 يوم كده يعني، أول مرة بس عشان خاطر تصنيع الاسطمبة، بعد كده بتاخد 3 أيام ـ 4 أيام
العميل:وحضرتك الاسطمبة دي بتتكلف أد تقريباً ولا على حسب…
المهندس منسي: في حدود
العميل: طيب حضرتك مكانك فين طيب لو حبينا نيجي لحضرتك المكتب؟
المهندس منسي: إحنا عندنا حدائق القبة، مدينة نصر، باب الشعرية، 6 أكتوبر
العميل: طب إنتم جنبينا في مدينة نصر، فين بقى في مدينة نصر
المهندس منسي: هبعتلك العنوان في رسالة حالاً
العميل: طيب أشكرك شكراً جزيلاً، ماشي يا باش مهندس، السلام عليكم
