بكر لصق الوان من شركة المهندس منسي
العميل: سلام عليكم
المهندس منسي: عليكم السلام ورحمة الله وبركاته
العميل: إزيك يا باشا
المهندس منسي: آهلاً بيك مين معايا؟
العميل: مع حضرتك إبراهيم من دار محمود للطباعة والنشر
المهندس منسي: أهلاً وسهلاً
العميل: حضرتك تبع شركة المهندس؟
المهندس منسي: أيوه
العميل: طب حضرتك بالنسبة لبكر اللصق
المهندس منسي: آه..
العميل: في موجود عند حضرتك؟ أنا جيبت الرقم ده من على النت دلوقتي..
المهندس منسي: آه إنت عايز بكر لصق إيه؟
العميل: بكر لصق عادي اللي بنلصق بيه الكراتين اللي هوه العريض، اللي هوه الألوان
المهندس منسي: آه.. آه… عايزه مطبوع ولا سادة؟
العميل: مطبوع ماشي، سادة ماشي
المهندس منسي: إنت عايز استوكات يعني
العميل: آه… أنا عايز كرتونة
المهندس منسي: في اللصق بالذات إحنا بنشتغل على الجملة
العميل: آه.. يعني ما ينفعش مثلاً أجيب كرتونة
المهندس منسي: لا.. لا.. إحنا بالنسبة لنا أقل حاجة ربع طن كده يعني
العميل: آه.. تمام.. تمام.. طب ممكن أستأذنك حضرتك مافيش فرع بتوردوله قريب من عابدين أو قريب من باب الخلق؟
المهندس منسي: لا صدقني معرفش، أنا استشاري مش مبيعات
العميل: أيوه أنا فاهم تمام، بس أنا مالقتش غير رقم حضرتك واتصلت على الأرضي ما حدش بيرد
المهندس منسي: لا هتلاقيهم في الحمام، بيصلوا، كده يعني
العميل: أكلمهم تاني يعني على الأرضي
المهندس منسي: إن شاء الله
العميل: ماشي يا فندم
المهندس منسي: مع السلامة
العميل: شكراً
