تصنيع اسطمبات العبوات البلاستيكيه من شركة المهندس منسي

العميل : سلام عليكم

مهندس منسي : أيوه

العميل : سلام عليكم.. شركة المهندس منسي؟

مهندس منسي : أيوه.

العميل : طب يا فندم… هوه حضرتك بتعمل اسطمبات… الزبادي مثلاً ولا اسطمبات… عشان هوه مش واضح من الموقع خالص.

مهندس منسي : كل أنواع الاسطمبات

العميل : طب لو أنا عايز أروح معرض لحضرتك أو آجي لحضرتك مكان على الأقل أتفرج أو آخد فكرة

مهندس منسي : ماشي تيجي تنورني.

العميل : طب ممكن آخد العنوان من حضرتك.

مهندس منسي : إحنا عندنا حدائق القبة، مدينة نصر، باب الشعرية شوف بالنسبة لك أنهي أقرب.

العميل : أنا أعتبر في شبرا فأنا كل ده أقريب مني، الحتة اللي فيها بس تنوع شوية وفيها أكتر…. أقدر أتفرج على حاجات كتيرة.

مهندس منسي : هوه على تتفرج على نوعية إيه؟ اسطمبات إيه؟

العميل : أنا عايز اسطمبات زبادي وخاصة لو في اسطمبة الـ150 اللي هي حكيم

مهندس منسي : آه.. هوه إنت عندك المكنة؟

العميل : آه أنا تقريباً عندي المكنة.. هوه مش أنا شخصياً لكن مصنع بتعامل معاه.

مهندس منسي : ماهو لازم نشوف المكنة لأن اسطمبات السن فورمل بالذات لها وضعية خاصة.

العميل : آه…

مهندس منسي : لازم نبص على المكنة ونشوف أبعادها ونشوف أبعاد الاسطمبات بتاعتها لأن اسطمبات السن فورمل كل شركة بطلع اسطمباتها بناء على المكنة نفسها.

العميل : آه.. تمام، يعني لازم قبل ما آجي لحضرتك مثلاً أجيبلك بيانات المكنة على الأقل أو أجيبلك صورة ليها مثلاً.

مهندس منسي : فيديو وبتجيلي مواصفات الاسطمبة ومواصفات الحوض… حاجات من دي.

العميل : طب هستأذنك يا فندم هرجع لك تاني 10 دقايق هجيب بس ورقة وقلم وهكتب بس اللي حضرتك هتطلبه.

مهندس منسي : تمام كده..

العميل : ماشي يا فندم..

العميل : الباش مهندس لسه معايا ولا حد تاني

مهندس منسي : لا الباش مهندس معاك.

العميل : أنا اللي كلمت حضرتك من 10 دقائق كده قولت لحضرتك هجيب ورقة وقلم وأشوف المواصفات اللي حضرتك عايزها.

مهندس منسي : آه…. مواصفات حوض المكنة ده نمرة بس، يعني

العميل : مواصفات إيه يا فندم

مهندس منسي : مواصفات الاسطمبة هيكون شكلها إيه… يعني أول حاجة الحوض بتاع المكنة اللي بيركب فيه الاسطمبة أبعاده شمال ويمين.

مهندس منسي : شمال يمين ارتفاع عرض سماكة، ويستحسن لو فيه اسطمبة من الاسطمبات اللي راكبة عليها بحيث إن إحنا ناخد الأبعاد من الاسطمبة.

العميل : آه.. يعني أنا مثلاً لو عندي اسطمبة الـ 110 مثلاً آخودها معايا ويبقى كده أفضل من الحوض.

مهندس منسي : آه.. وفيديو للمكنة نفسها وهي شغالة

العميل : طيب… مثلاً طيب أنا عايز أروح مثلاً معرض المعرض بيبقى فيه إيه.. على فكرة أنا مش فاهم في مجال التصنيع أقوي، وممكن تكون…

مهندس منسي : ما هوه الاسطمبات.. حضرتك بالنسبة للاسطمبات الاسطمبات بتتصنع بالطلب، يعني ما ينفعش تروح لمصنع وتقوله أنا عايز أشوف الاسطمبات اللي عندك عشان آخد اسطمبتين تلاتة، اسطمبة إيه، قوله اسطمبات الكوباية…. لا الاسطمبات بالذات اسطمبات العبوات واسطمبات العلب، كل الاسطمبات بتتصنع بالطلب.

العميل : طيب خلاص ماشي يا فندم.

مهندس منسي : عايز تتفرج على اسطمبات بلاستيك موجودة بضاعة حاضرة روح اتفرج، هنولنا الشرف العظيم إن حضرتك تجيلنا.

العميل : الله يخليك يا فندم… العنوان يا فندم، أنا قريب ليا باب الشعرية

مهندس منسي : آه.. هوه اللي فيه الاسطمبات والحاجات دي هتلاقيه في 6 أكتوبر

العميل : طيب ما فيش مشاكل.

مهندس منسي : خد الرقم عندك 01211116959

العميل : ماشي ده اسمه إيه بقى

مهندس منسي : اسمه أحمد شوقي

العميل : ماشي.. شكراً جداً يا فندم.

مهندس منسي : العفو

العميل : شكراً جداً يا باش مهندس شكراً لذوق حضرتك

مهندس منسي : مع السلامة