تصنيع سلندرات الطباعة بكافة أنواعها من شركة المهندس منسي
مهندس منسي : سلام عليكم
العميل : سلام ورحمة الله وبركاته، صباح الفل يا هندسة
مهندس منسي : أهلاً بيك
العميل : أمير يا باشا، أمير من إسكندرية
مهندس منسي : إزيك يا غالي
العميل : عامل إيه يا ريس كله تمام
مهندس منسي : الحمد لله، نحمد ربنا ونشكر فضله
العميل : ربنا يديك الصحة، بص أنا اتكلمت مع الناس هنا صعبة هنا شوية بس ماشي عشان، بس قلقانين قوي من قصة إن إنت مش هتديهم السلندرات دي، بيقولوا عادي مفيش مشكلة فيها، بس همه بقى عاملين السلندرات غالية عشان كده همه عاوزينها ، فإيه مشكلة السلندرات دي، هنبوظ شغلنا عشان حاجة زي كده ولا إيه
مهندس منسي : ما إيه؟
العميل : يعني هنبوظ شغلنا عشان حاجة هبلة زي كده، ما هوه كده كده عادي
مهندس منسي : خلاص مش مشكلة… مش مشكلة
العميل : إنت فاهمني….
مهندس منسي : بس هتبقي بعد شهرين لأن هوه هتبقى بره مصر، مش جوه مصر
العميل : يعني البضاعة هيستلموها بعد شهرين من دلوقتي
مهندس منسي : آه
العميل : ليه كده؟
مهندس منسي : لا مش البضاعة السلندرات
العميل : مش إنت هتطبع بالسلندرات يا هندسة؟ يعني أقول
مهندس منسي : البضاعة أنا بجيبها بالطيارة
العميل : آه…
مهندس منسي : أما السلندرات بجيبها شحن
العميل : آه.. يعني إنت بتطبع بره أساساً؟
مهندس منسي : آه.. بطبع بره مصر
مهندس منسي : آه… دي مش قصتهم إن أنا بطبع بره مصر ولا جوه مصر، هوه بس السلندرات بتيجي بعد شهرين عشان بتيجي شحن، لو همه عايزنها هنضرب وزنها × سعر للكيلو
العميل : كلاكيع على حاجات هبلة ملهاش لازمة الحاجات دي يا هندسة
مهندس منسي : يا أخي افهمني بس الله يرضى عليك، الله يرضى عليك، أنا بعمل السلندرات دي بره مصر
العميل : ما أنا فاهم، بس إنت كده كده هتعمل الشغل وهتيجبه معاها، فإنت هتشحن الشغل ده معاه
مهندس منسي : أ أنا بشحن شغلك إنت بشحنها، بشحنهولك جوي مش بري
العميل : آه
مهندس منسي : جوي.. جوي، هجيبه مع البضاعة جوي مش بري
العميل : آه… بيبقى فيها وزن يعني؟
مهندس منسي : آه التانية فيها وزن فبضطر إن أنا أجيبها بحري
العميل : آه
مهندس منسي : فهمتني إزاي… على العموم مش مشكلة مش قضية.. مش قضية، كبر دماغك، يالا، والله علشان خاطرك إنت علشان خاطر بس زوقك هـ….
العميل : حبيبي… حبيبي… أنا عايز الدنيا تمشي والله، مش عارف الدنيا فيها إيه عراقيل وحاجات هبلة وعايز الدنيا تدور عشان تدور على طول، إنت فاهم
مهندس منسي : آه.. آه
العميل : يعني عايز الدنيا تدور عشان ما تبقاش مرة، لأ أنا عايزها تدور على طول، إنت واخد بالك
مهندس منسي : آه..
العميل : وادينا مع بعض أنا برتاحلك إنت فاهم
مهندس منسي : الله يبارلك يا غالي
العميل : خدت بالك حبيبي…
مهندس منسي : ماشي يا حبيبي
العميل : ماشي ومش هقولهم فيلم بقى ولا سلندرات إنت هتصرفها إزاي معرفش بقى ماشي
مهندس منسي : ماشي حبيبي
العميل : حبيبي صباح الفل يا ريس
مهندس منسي : ماشي مع السلامة
العميل : نزلت أشوف المكن اللي قلتلك عليه إمبارح قعدنا على القهوة ونسيت أروح أبص على المكن
مهندس منسي : ماشي يا غالي
العميل : لو عرفت أجيلك قريب آجي أبص عليهم إن شاء الله
مهندس منسي : ماشي يا باشا
العميل : ماشي يا ريس، سجل الرقم الواتس ماشي
مهندس منسي : ماشي يا باشا
العميل : ماشي اتفضل صباح الفل يا باش مهندس
مهندس منسي : مع السلامة
العميل : مع سلامة الله يا ريس، مع سلامة الله يا حبيبي
