تعبئة السوائل في اكياس علي هيئة اشكال من شركة المهندس منسي

العميل : سلام عليكم.. إزيك.

المهندس منسي : أهلاً بيك.

العميل : بتكلم معاك أنا من اليمن.

المهندس منسي : آه.

العميل : معاك الدكتور طارق القباني.

المهندس منسي : طارق مين؟ آه أهلاً وسهلاً.

العميل : كنا بنسأل عن الإنتاج بتاع الأكياس بتاعت الفواكه، اللي على أشكال الفواكه، هل إنتم بصدره هادي لو الواحد طلب كمية منكم؟

المهندس منسي : أكيد آه.

العميل : لليمن.

المهندس منسي : أكيد آه.

العميل : نعم.

المهندس منسي : أكيد.

العميل : آه طيب بكام الكمية أقل كمية عندكم لو طلب 300 ألف كيس ولا أنتم بتبيعوا بالكيلو للنوعية هادي.

المهندس منسي : هنبيعلك بالكيلو لو إنت هتاخدها رول.

العميل : لا أنا مش عاوزها رول أنا عاوزها جاهزة لأن الماكينة اللي عندنا هنا هي جاهزة نظام التعبئة النص آلي.

المهندس منسي : آه.. تحت أمرك.

العميل : نعم.

المهندس منسي : لا تحت الأمر يا غالي.

العميل : الله يحفظك يا باشا.طب تقريباً بكام يكون عندكم مثلاً الـ300 ألف كيس؟ لأن إحنا بعتنالكم إيميل أكثر من مرة ما ردتوش عليا.

المهندس منسي : لا إزاي بقى ده إحنا بنرد بس احتمال إنت….

العميل : والله ما حدش رد عليا يا باشا.

المهندس منسي : ممكن يكون بس الإيميل جه غلط بس.

العميل : آه حاضر يا باشا.

المهندس منسي : إنت كتبت الإيميل غلط بس، إنما إزاي بقى إحنا بنرد، إنت بتكلمني وأنا برد على إيميل أهو.

العميل : الله يحفظك يا باشا. طيب تقريباً بيكون السعر كام على أساس ناخد سعر تقريبي والواحد يطلب من عندكم الطلبية رسمي.

المهندس منسي : يعني الألف هيبقى في حدود 20 .

العميل : سعر الكام.. الألف؟

المهندس منسي : الألف كيس آه.

العميل : الألف كيس بـ 20 … طيب..ألو…

المهندس منسي : معاك يا غالي.

العميل : طيب يا باشا، طيب أنا ممكن هاتصلك بكرة على أساس هتكلم مع المحاسب معانا في الشركة ويشوف إذا في إمكانية التعامل معكم، طيب ممكن تعملولنا الشحن عبر الخطوط اليمنية وإحنا ندفع التكاليف، بتقوموا بهذه الخدمة؟

المهندس منسي : ندفع التكاليف الخدمة؟

العميل : أنا أدفع تكاليف الشحن.

المهندس منسي : آه ماشي مفيش مشكلة.

العميل : مفيش مشكلة، طيب، السعر النهائي للألف حبة 20 .. طيب إن شاء الله أنا هتصل بسيادتك بكره وهديك النتيجة يا باشا.

المهندس منسي : إن شاء الله.

العميل : شكراً جزيلاً لتعاونك معانا، اسم الأستاذ الكريم.

المهندس منسي : المهندس منسي.

العميل : المهندس مين؟

المهندس منسي : منسي.

العميل : منسي.. حياك الله، أنا طبعاً والدتي مصرية من مصر الجديدة.

المهندس منسي : آه.. أهلاً بيك.

العميل : أهلاً بيك سيادتك..شكراً جزيلاً وأتواصل معاك بكره أستاذي.

المهندس منسي : ماشي يا غالي.

العميل : شكراً جزيلاً باش مهندس.. مع السلامة.