تعبئة لوز ومكسرات وحمص من شركة المهندس منسي
تعبئة لوز ومكسرات وحمص من شركة المهندس منسيالعميل: سلام عليكم
المهندس منسي: عليكم السلام ورحمة الله وبركاته
العميل: شركة المهندس منسي
المهندس منسي: أيوه
العميل: عايزين نسأل على مكن تعبئة
المهندس منسي: آه…
العميل: تعبئة لوز ومكسرات وحمص، عبوات تبدأ من 15 جرام
المهندس منسي: إحنا عندنا نص أتوماتيك وعندنا أتوماتيك كاملة
العميل: إيه الفرق بينهم يا باشا؟
المهندس منسي: ما هو دي نص أتوماتيك ودي أتوماتيك كاملة، مش فاهم؟؟؟!!!
العميل: يعني إيه ميزة الأتوماتيك الكامل؟؟
المهندس منسي: لا أتوماتيك كاملة يعني بتعبي وتغلف وتصنع الكيس وتعمل كل حاجة لوحدها
العميل: دي تمنها كام؟ بتطلع أوزان مختلفة ولا وزن واحد؟
المهندس منسي: 38500 ، لا بتطلع أوزان مختلفة
العميل: يعني أنا بحطلها الخام وبضبط الوزن بتاعها وهوه بيطلع
المهندس منسي: إن شاء الله
العميل: طب دي الطاقة بتاعتها كام يا باشا
المهندس منسي: الطاقة بتاعتها عموماً بتبقى 70 كيس في الدقيقة، ولكن هي المفروض إن أنها بتحدد بناء على نوعية خامة الكيس اللي هيتلحم، لأن نوعية خامة الكيس اللي هيتلحم لو تقيلة يبقى مش هتجيب الـ 70 كيس، لو خفيفة يبقى هتجيبهم
العميل: آه….طب لو حضرتك عايز3 مكنات منك هتبقى بكام؟
المهندس منسي: هيبقى خصم على التانية والتالتة 5%
العميل: خلاص ماشي يا باشا، هرجع أكلمك تاني يا باش مهندس
المهندس منسي: تيجي تنورني
العميل: ماشي يا باشا تسلملي
