تغليف اسكرينة حفظ الموبايلات من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : شركة إم تو باك

المهندس منسي : أيوه

العميل : لو سمحت عايز أعرف لو أنا عايز أغلف ورق كده، حاجات زي الورق الاسكرينات

المهندس منسي : الـ إيه؟؟؟

العميل : الاسكرين بتاعت التليفونات الموبايل

المهندس منسي : آه في نص أتوماتيك وفي أتوماتيك

العميل : هوه حضرتك بتبيع المكن ده

المهندس منسي : آه

العميل : تمام… طب المكن أسعاره إيه طيب

المهندس منسي : في مكنة بـ 1700، وفي مكنة بـ 3500، وفي مكنة بـ 88000

العميل : طب اللي تقضي الغرض ده؟

المهندس منسي : هوه مش عملية اللي تقضي الغرض ده، الـ 3 مكنات هيغلفولك السكرينة، يعني المكنة أم 1700 هتغلفلك السكرينة، هتحط السكرينة بتاعت في أكياس وتمررها عليها هي تمر لوحدها وتتلحم، المكنة التانية هتحطها في كيس وهتتشرنك عليها، والمكنة التالتة هنزلهولك أتوماتيك، اللي هي أم 88000 واخد بالك

العميل : هو بتغلف أكياس مش كرتون؟

المهندس منسي : إنت عايزها في كرتون؟

العميل : آه

المهندس منسي : كرتون إزاي؟؟ يعني كرتونة ومن فوقيها بلاستيك؟

العميل : لأ هي السكرينة جوه غلاف كده كرتون، مش هيبقى بلاستيك

المهندس منسي : آه

العميل : يعني زي بتاع الأدوية كده

المهندس منسي : طب ابعتلنا طلب استفسار على الإيميل في صور التغليف قبل وبعد عشان يتضح لينا الأمر نقوم نقلك أنسب حاجة ليك إيه؟

العميل : بتاعت الـ 3000 دي مش هتقضي.. مش هتنفع؟

المهندس منسي : تنفع، كل الـ 3 مكنات دول ينفعوا حتى لو كانت كرتون

العميل : آه… أمال المشكلة في إيه بقى، إنت بتقولي حضرتك…

المهندس منسي : أنا عايز أشوف التغليف بس عشان أقولك أنسب حاجة ليك

العميل : تمام… طيب المكنة دي بتقعد أد إيه مثلاً أم 3000؟

المهندس منسي : تقعد أد إيه إزاي؟؟ تقعد طول العمر

العميل : مش هيحصلها حاجة يعني زي الليزر كده مثلاً؟

المهندس منسي : لأ.. لا.. لا مافيهاش حاجة تستهلك، الاستهلاك بتاعها اللي هو صلاحية يعني

العميل : تمام…

المهندس منسي : إنما مش زي مكن الليزر اللي هو اللمبات بتاعتها بتستهلك، لأ دي حاجات معمرة

العميل : طيب الورق ده بتاع التغليف ده أجيبه من أي حته عادي؟

المهندس منسي : عادي إحنا ممكن نوفرهولك

العميل : تمام… طيب ماشي. ماشي يا ريس

المهندس منسي : ماشي يا برنس مع السلامة