تصنيع خامات و أكياس حفظ الخضراوت البلاستيك من شركة المهندس منسي

العميل : السلام عليكم

مهندس منسي : عليكم السلام ورحمة الله وبركاته

العميل : شركة إم تو باك

مهندس منسي : أيوه

العميل : مع حضرتك احمد  من شركة ….

مهندس منسي : أهلاً بيكي

العميل : أتشرف بحضرتك

مهندس منسي : المهندس منسي

العميل : أهلاً بيك يا باش مهندس، من فضلك كنت بسأل على الأكياس الخاصة لحفظ الخضروات والفاكهة اللي هي التصدير، عند حضرتك في الشركة؟

مهندس منسي : عندنا آه بس عملية الاستيراد والتصدير دي بيبقى ليها متطلبات أوروبية لو إنت هتصدري لأوروبا

العميل : بالضبط آه

مهندس منسي : فعايزين نعرف البلد إيه، والتعرض للأجواء إيه، وكنا عايزين نعرف المنتج نفسه اللي هيتعبى إيه، بحيث إن الحاجات دي ليها اشتراطات، لو عايز اشتراطات، أما لو عايز شكل حلو فعندنا موجودة

العميل : حضرتك بتقوم بالتعبئة عامة في مصر أو في الشركة، ولا حضرتك بتعمل الأكياس وبتبيعها؟

مهندس منسي : إحنا بنوردلك الأكياس وبنوردلك المكن اللي بيعبي ويغلف

العميل : طب بعد إذنك الأكياس في.. عرفت إن في حاجة مانيوال وفي حاجة عن طريق الماشين، وفي كيس اللي هوه معمول…

مهندس منسي : حضرتك هتصدري لأنهي بلد؟

العميل : روسيا

مهندس منسي : آه…

العميل : فالأكياس اكيب اللي ليها ديزاين معين

مهندس منسي : إنت عايزه أكياس للحفظ ؟

العميل : آه همه محتاجينها، آه همه شارطين عليا أكياس لحفظ الخضار يعني…

مهندس منسي : الخضار بالذات بيبقى ليها اشتراطات خاصة في التهوية، همه شرطوا عليكي كده؟

العميل : بمعنى

مهندس منسي : يعني مثلاً بيبقى الأكياس فيها أخرام خفيفة عشان خاطر عملية التبخير.. يعني هوه الكيس نفسه بتنفس

العميل : تمام.. مش دي بتبقى المنتج نفسه بتصدره ولا غير المنتجات.. لازم يكون فيها أخرام معينة

مهندس منسي : بصي يا سيتي وحدي الله، هوه في طريقتين 2 في التغليف للخضار اللي مسافر بره، في طريقة النيتروجين، مع نيتروجين يعني، وفي طريقة تانية اللي هوه أكياس متخرمة، أكياس متخرمة يعني إحنا بنحط الكيس، الكيس نفسه في تهوية، بحيث إن التبخير يطلع من التخريم دوت بحيث إن البخار ما يخسرش المنتج ويبوظه، يسلقه، عبال ما يوصل يكون مستوي كده، فعملية التخريم دي تخلي لسه لونه الطبيعي إلى حد كبير، أما بالنسبة للنيتروجين ده بيبقى لونه الطبيعي مش بحد كبير، بنفس الحد اللي إنتي عملتيه

العميل : طب هوه حضرتك متوفر عندك الـ 2؟

مهندس منسي : آه التايم أد إيه ما بينا وبين روسيا؟

العميل : معمتهاش يعني، بس هوه

مهندس منسي : هوه عموماً لو قدره يساعدوكي في المنتج نفسه يقلولك الكيس مواصفاته إيه يبقوا خدمونا يعني

العميل : يا فندم من حيث الأسعار ؟

مهندس منسي : بصي بالنسبة للأسعار هبعتلك تليفون المبيعات تابعي معاهم همه اللي عارفين الأسعار، أنا بالنسبة لي بس المواصفات الفنية…

العميل : مافيش مشكلة

مهندس منسي : أنا بالنسبة لي بس المواصفة الفنية والاسترشادية يعني

العميل : ممكن تبعتلي رقم المبيعات على الواتس على الموبايل

مهندس منسي : آه.. إنتي إحنا عندنا حدائق القبة، مدينة نصر، باب الشعرية، 6 أكتوبر، أقربلك إيه؟

العميل : أكتوبر، أنا شركة في اكتوبر

مهندس منسي : اللي ماسك أكتوبر فنياته إلى حد ما لسه مش قوي

العميل : خلاص مافيش مشكلة حضرتك ممكن تقولي اللي عنده دراية أكتر

مهندس منسي : أبعتلك حدائق القبة ومدينة نصر؟

العميل : مافيش مشكلة خالص

مهندس منسي : وباب الشعرية، خلاص هبعتلك واحد فيهم ماشي

العميل : خلاص مرسي لوقت حضرتك

مهندس منسي : مع السلامة