تغليف الاطعمه بالبلاستيك من شركة المهندس منسي
العميل: سلام عليكم
المهندس منسي: عليكم السلام ورحمة الله وبركاته
العميل: أنا بعتلك الصورة على الواتس آب جت لحضرتك؟
المهندس منسي: صورة إيه؟
العميل: صورة اللي هي الساندويتش اللي هو الغلاف البلاستيك
المهندس منسي: تمام
العميل: طب حضرتك تجيبلي الأسعار، يعني عندك مقاسات مختلفة، عندك مقاسات استاندر؟
المهندس منسي: آه إن شاء الله
العميل: خلاص ماشي.. هنتظرها منك
المهندس منسي: ماشي يا غالي
العميل: ماشي.. ممكن النهاردة ولا أستنى للحد
المهندس منسي: يستحسن لو قلتلي على المقاسات بتاعتك إنت
العميل: ما عشان المقاسات عندي عميل برده اللي أنا بوردله الحاجة دي هوه باعتلي الصور دي، فعايز المقاسات الاستاندر اللي عندك
المهندس منسي: لأ قوله مقاسات إيه؟؟ أنا هحطلك أي مقاسات، افرض مش عندي خلاص خلصت، فخليه هوه يقولك المقاسات اللي هوه عايزها إيه
العميل: إديني مقاسات الاستاندر مافيش مشاكل
المهندس منسي: أنا هديلك أسعار الطباعة هبعتلك أسعار الطباعة ده رول
العميل: ده مش هيبقى طباعة ده بلاستيك شفاف غير مطبوع
المهندس منسي: آه… آه…
العميل: موجود
المهندس منسي: آه إن شاء الله، هوه عموماً إحنا بنعمل المقاسات اللي إنت عايزها، مش المقاسات اللي إحنا عايزنها
العميل: طب إديني كده مبدئياً سعر استشاري كده للمقاسات اللي عندك استاندر
المهندس منسي: ماشي..إن شاء الله
العميل: شكراً يا فندم مستني ردك
