اسطمبات برطمانات كريم من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : مع حضرتك د/ مي شركة إم جي فارما ممكن حضرتك بس توطي الراديو عشان أسمع حضرتك؟
المهندس منسي : معاك اتفضلي
العميل : إزي حضرتك يا فندم
المهندس منسي : الحمد لله
العميل : أستأذنك بس إحنا كنا شافين حضرتك بتتعامل في العبوات البلاستيكية
المهندس منسي : آه
العميل : إحنا عندنا طلب لبرطمانات للكريم، فهل ممكن ألاقي عند حضرتك برطمانات كريمات؟
المهندس منسي : بصي حضرتك إحنا بنشتغل بناء على طلب العميل، كستومايز، مش عندنا عبوات بننتجها لكل الناس، إزاي؟؟؟ حضرتك مثلاً لما تقولي شامبو سباركل أو بانتين أو جونسون أو كده، هتلاقي العبوة بشكل محدد ما ينفعش غير لصاحب العبوة بس، بنعمل على خصوصية العميل عشان…
العميل : يعني حضرتك عندك الاسطمبات…
المهندس منسي : بنصنع الاسطمبة من الإيه تو زد
العميل : يعني حضرتك بتصنعلي الاسطمبة وبعدين تنتجلي المنتج بتاعي
المهندس منسي : أيوه
العميل : تمام.. طب هل في حد طلب من حضرتك قبل كده إنك تصنعله برطمانات فأنا ممكن أشوف سمبل من اللي اتصنع قبل كده؟
المهندس منسي : آه.. إحنا مصنعين حاجات كتير قوي، اكتبي برطمانات المهندس منسي على جوجل واتفرجي على الحاجات اللي إحنا عملناها قبل كده
العميل : دي اللي هي سابقة أعمال حضرتك، بس لو أنا عايزه برطمان في اسطمبة من دول تبقى متوفرة آخد من إنتاجيتها برده؟
المهندس منسي : ماحدش بيرضى
العميل : يعني همه عاملين الاسطمبات على أساميهم
المهندس منسي : إحنا بنشتغل بس كستومايز، ما بنشتغلش لكل الناس
العميل : طب هستأذنك هفتح الفايل وبعدين هكلم حضرتك تاني تمام
المهندس منسي : إن شاء الله
العميل : طيب الاسطمبة يا مستر محمد بتاخد وقت أد إيه تصنيع
المهندس منسي : بتاخد في حدود 3 أسابيع
العميل : وتكلفتها…
المهندس منسي :
العميل : طيب يا فندم شكراً، في سلامة الله
المهندس منسي : مع السلامة
