خامات أكياس الشاي من شركة المهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: شركة المهندس منسي
المهندس منسي: أيوه
العميل: كنت عايز المواد الخام بتاعت التعبئة بتاعت الشاي موجودة عند حضرتك ولا لأ
المهندس منسي: إحنا عندنا الخامة بتاعت الأكياس
العميل: أيوه دي تمام، اللي هي بتتعمل الأبيض دي موجودة؟
المهندس منسي: آه وعندنا كمان المكن
العميل: هوه للأسف المكن جالنا من بره، هنتعامل معاكم في الحاجات التانية ولا إيه
المهندس منسي: لا عادي… براحتك
العميل: ربنا يخليك
المهندس منسي: إحنا عندنا الـ 2 ما تقلقش
العميل: أسعاره إيه الفتلة عند حضرتك؟
المهندس منسي:
العميل: بيبدأ من
المهندس منسي: آه
العميل: دي بتعمل باكت جوه ظرف ولا باكيت بالتاج بس
المهندس منسي: باكيت بالتاج بس آه
العميل: آه… اللي هوه زي بتاع ليبتون كده؟
المهندس منسي: أيوه
العميل: طيب لو الباكيت والتاج بتاعتهم جوه ظرف بتعمل كام؟
المهندس منسي: دي مش متذكر سعرها
العميل: طب محتاج كماليات معاها ولا فيها ميزان وكل حاجة…
المهندس منسي: إنت ممكن تاخدها وحد يحط ويعبي الباكيت، يعني تديك الباكت في كيس، وفي بتبقى مكنة لحام مستمر جنبيها، هوه يحط الفتلة في الكيس ويرميها على السير هياخدها يوديها الناحية التانية
العميل: طب العنوان بتاع حضرتك فين في القاهرة؟
المهندس منسي: إحنا عندنا حدائق القبة، مدينة نصر، باب الشعرية، 6 أكتوبر
العميل: آه تمام ماشي يا باشا، يعني بتاعت الفتلة موجودة؟
المهندس منسي: إن شاء الله
العميل: طب أسعار الورق إيه بتاع مكن التعبئة العادية بتاعنا، الكيلو عامل كام؟
المهندس منسي: حضرتك تبعتلنا الديزاين، وتيجي تنقي الخامة اللي تعجبك وهمه هيدوك سعرها وإنت قاعد
العميل: طب ممكن يوم الثلاثاء إن شاء الله ممكن على ميعاد
المهندس منسي: آه أنا هبعتلك بقى تليفون مبيعات وحضرتك هتابع معاهم، حضرتك تفضل أي فرع؟
العميل: أنا ممكن مثلاً مدينة نصر
المهندس منسي: هبعتهولك في رسالة حالاً
العميل: ماشي يا باشا شكراً
