جراكن مطبوعه من شركة المهندس منسي

 

العميل: السلام عليكم

المهندس منسي: عليكم السلام ورحمة الله وبركاته

العميل: المهندس منسي معايا يا باشا

المهندس منسي: أيوه

العميل: إزيك يا باشا، مع حضرتك عصام الصياد مدير مصنع مصر السويس

المهندس منسي: أهلاً وسهلاً

العميل: إزي حضرتك يا فندم، باشا كنا بنسأل على اللوجو آي إم إل

المهندس منسي: آه لوجو إيه؟

العميل: لوجو على جراكن 25 لتر

المهندس منسي: آه.. عايز اللوجو يعني؟

العميل: عايز اللوجو وفيه… بس معلش أنا ما أعرفش اسمه يعني، بس إحنا عايزين نطبع على الجركن يبقى اسم الشركة وباقي الداتا عندنا تبقى محفورة كده على جسم الجركن

المهندس منسي: آه… ده بيتعمل الحركة دي في الاسطمبة

العميل: بالضبط كده يا فندم، عملت الموضوع ده في الأردن بس هنا في مصر أول مرة أنا أعمله.. فكنا عايزين نعمل حوالي 13000 جركن

المهندس منسي: هي الاسطمبة موجودة عند حضرتك ولا مش تبعك

العميل: لأ أنا ما عنديش اسطمبة لأ

المهندس منسي: طب عملت جركن؟

العميل: عندنا جراكن أنا فيه متعاقدين مع مصنع بيطلعلنا الجراكن بتاعتنا كل شهر

المهندس منسي: كده هنعمل اسطمبة من أول وجديد

العميل: تمام يا فندم ماشي

المهندس منسي: هاتلي حضرتك الجركن وهنبص عليه ونحددلك سعر الاسطمبة بتاعته

العميل: طب أنا جايب رقم حضرتك من على النت والله، فحضرتك قولي حتى اسم الشركة إيه وأنا أجيلك

المهندس منسي: شركة المهندس منسي، هبعتلك أنا العناوين بتاعتي في رسالة

العميل: وأنا هبعت لحضرتك الجركن اللي إحنا بنعمله في الأردن تمام.. إحنا عملنا 250 ألف جركن عملنا عليه نفس اللوجوهات دي

المهندس منسي: إحنا هنصنعلك الاسطمبة باسمك إنت وهنحفرلك عليها اسم شركتك

العميل: هي نفس الشركة، لأ أنا بقول لحضرتك إحنا كنا بنعمل هناك في الأردن كان نفس الكلام برده، فإحنا عايزين نعمله هنا على منتجاتنا في مصر برده

المهندس منسي: آه يعني إنتم كنتم بتصنعوا الجركن ده في مصر

العميل: إحنا كنا متعاقدين مع مصنع هنا في السويس بيطلعلنا من 15-20 ألف جركن شهرياً، تمام يا فندم

المهندس منسي: آه

العميل: فإحنا عايزين بقى نعمل اللوجو ده فهوه في الأردن فيه، في نفس الكلام بنعمله هناك، فهبعت لحضرتك صور بالجراكن اللي إحنا بنعملها يعني

المهندس منسي: ماشي ابعتها وإحنا نبص عليها

العميل: تمام يا باش مهندس هبعت لحضرتك حالاً دلوقتي