خامات اكياس لحام سنتر سيلنج من شركة المهندس منسى
العميل: سلام عليكم
المهندس منسى: عليكم السلام ورحمة الله وبركاته
العميل: شركة المنسي
المهندس منسى: أيوه
العميل: معاك شركة حلاوة علاء الدين
المهندس منسى: آه أهلاً وسهلاً
العميل: لو سمحت يا فندم كنا عايزين نعمل رول حلاوة بار
المهندس منسى: آه…
العميل: أيوه يا فندم بتعمله عندكم؟
المهندس منسى: بنعمل إيه رول حلاوة بار إزاي؟
العميل: اللي هوه الكيس بتاع الحلاوة البار
المهندس منسى: حضرتك عايزه تاخده أكياس ولا تاخد المكنة اللي بتعمله؟
العميل: عايز أجيب لحضرتك كيس وتصممهولي، وتعملهولي
المهندس منسى: طيب هوه أقل كمية إحنا ممكن نشتغل فيها أد إيه؟ لأن إحنا أول مرة نعمل إنتاج البار فعايزين نجرب برده،إحنا بنطبع روتوجرافيك ده أعلى أنواع الطباعة في العالم، وأقل كمية عندنا ربع طن
العميل: طب الربع طن.. إنت قلت نوع الطباعة إيه يا فندم
المهندس منسى: روتوجرافيك، أو روتو بس
العميل: أقل كمية ربع طن، طب تكلفة الروتو ربع طن معانا تبقى كام؟
المهندس منسى: حضرتك بقى تشرفنا بالزيارة عشان نشوف العينة….
العميل: طب أقدر أعدي على سيادتك كام ساعة ونص كده؟
المهندس منسى: أبعتلك دلوقتي عنوان الشركة هتابع…
العميل: العنوان باب الشعرية أنا جايبه من على النت
المهندس منسى: هبعتهولك حالاً هتلاقي في 3 تليفونات هتابع بقى معاهم
العميل: تمام.. حضرتك موجود يعني متواجد في الشركة؟
المهندس منسى: أنا مش مبيعات أنا استشاري بس
العميل: تمام.. تمام يا فندم، ماشي يا باش مهندس، طب أنا إن شاء الله أنتظر رسالة وإن شاء الله هتحرك أهوه وهاجي لحضرتك باب الشعرية في العنوان اللي إنت هتبعتهولي
المهندس منسى: إن شاء الله
العميل: وأجيب لحضرتك عينة برده من الشغل اللي هنعمله
المهندس منسى: إن شاء الله
العميل: تمام يا فندم
