خامات السلوفان حراري من شركة المهندس منسي

 

العميل: سلام عليكم

المهندس منسي: عليكم السلام ورحمة الله وبركاته

العميل: شركة المهندس منسي

أيوه

العميل: أهلاً بيك يا فندم، أنا جايب النمرة من على النت، فأنا جربت الأرضي في حريم كده بيردوا عليا وبيقلولي في تداخل في النمرة، ما علينا….

المهندس منسي: لا يمكن حضرتك بتضرب النمرة غلط

العميل: لا والله مش غلط، بس ما علينا بسيطة الحمد لله، أنا فاتح مطبعة جديدة في الزاوية الحمرا، بتاعمل في السلوفان مع أمير عز بتاع الشروق لو تعرفه

المهندس منسي: آه…

العميل: أنا عندي مكنة حراري اللي هي الصيني دي سلوفان حراري، هوه بيديني 18 مللي السمك بتاعها 18، وده كتير قوي وغالي على الحراري، هل في حاجة أقل من السمك ده تنفع للمكن الحراري؟

المهندس منسي: طب حضرتك ممكن تبعتلنا طلب استفسار وإحنا إن شاء الله خير يعني هنشوفلك السمك الأقل وكده يعني ما تحطش في دماغك

العميل: طب ده أنا أكتبه فين؟ أقدم الطلب ده فين يعني؟

المهندس منسي: هبعتلك الإيميل بتاعنا في رسالة دلوقتي حالاً

العميل: طب أقولك التليفون

المهندس منسي: رن عليا بس نص رنة كده

العميل: من الموبايل يعني على الموبايل اللي أنا بكلمك عليه دلوقتي

المهندس منسي: آه إن شاء الله

العميل: خلاص ماشي يا باش مهندس.. متشكرين يا باش مهندس ألف شكر