خامات الشرينك الحراري من شركة المهندس منسي
العميل : السلام عليكم
مهندس منسي : وعليكم السلام
العميل : شركة المهندس
مهندس منسي : أيوه
العميل : معاك يا باشا احمد ابراهيم من مشتريات الشركة المصرية للبلاستيك
مهندس منسي : أهلاً بيك
العميل : أهلاً وسهلاً يا فندم، إحنا بنشتغل بنحتاج منتج اللي هوه بي في سي الحراري، الشرينك الحراري بمقاسات معينة في إمكانية إن إحنا نتواصل مع بعض
مهندس منسي : مافيش مشكلة عندنا
العميل : مقاس 22 × 35 ، 45 ميكرون
مهندس منسي : إنت عايزه أكياس
العميل : آه….
مهندس منسي : آه الكمية أد إيه؟
العميل : إحنا بنسحب كل 3 شهور في حدود 600 كيلو
مهندس منسي : طيب يا مسهل، ماشي يا غالي
العميل : طيب هل في إمكانية في عينة أوريها لسيادتك
مهندس منسي : آه مافيش مشكلة، أنا هبعتلك دلوقتي تليفون المبيعات هتتابع معاهم وإن شاء الله خير
العميل : طيب هتبعتهولي في رسالة إن شاء الله ولا تكتبهولي علي الشات هنا ؟
مهندس منسي : هبعتهولك في رسالة
العميل : ماشي هنتظر حضرتك، طب مين معايا بقى؟
مهندس منسي : المهندس منسي
العميل : ماشي يا باش مهندس، متشكر جداً، ياريت تبعتهولي وهتواصل معاهم
مهندس منسي : ماشي مافيش مشكلة
العميل : ماشي
