خامات الفاكيوم بجميع الأنواع من شركة المهندس منسي
العميل : السلام عليكم
مهندس منسي : عليكم السلام ورحمة الله وبركاته
العميل : شركة المهندس منسي
مهندس منسي : أيوه
العميل : أهلاً وسهلاً، مع حضرتك محمد حامد من شركة أريكا
مهندس منسي : أهلاً وسهلاً
العميل : أهلاً بيك، بقول لحضرتك ألاقي أكياس فاكيوم بس أحجام كبيرة؟
مهندس منسي : عندنا آه كل المقاسات
العميل : طب أقصى مقاس عندك كام × كام؟
مهندس منسي : لأ ده المقاسات اللي إنت بتطلبها
العميل : يعني معايا مثلاً لمتر لمترين ونص
مهندس منسي : عادي إن شاء الله حتى عايزها كام متر، براحتك
العميل : طيب أقدر أوصلك إزاي؟
مهندس منسي : إحنا عندنا حدائق القبة، مدينة نصر، باب الشعرية
العميل : طب أي حد… مين فيهم هيفدني؟
مهندس منسي : كلهم زي بعض
العميل : طيب، طب إديني باب الشعرية كده
مهندس منسي : هبعتهولك حالاً
العميل : طيب أوكيه شكراً، طب هوه ده موجود بالفعل ولا لازم أطلب ولا بتعمله بالطلب؟
مهندس منسي : الخامة موجودة، كل العملية حاجة من 2، يا تاخد الحاجة تفصلها عندك، يا تاخد مكنة تفصلها عندك، يا إما نفصلها لك إحنا
العميل : آه… طب لو حبيت آخد أكياس فقط؟
مهندس منسي : ما هو يا سيدي الفاضل إنت فهمتني ولا ما فهمتنيش، بقول لحضرتك الخامة موجودة، لو عايز… كلمة هنفصلها معناها إن إحنا نفصلها أكياس يعني، واخد بالك
العميل : تمام…
مهندس منسي : في حاجة من 2، في حد يقولك لأ أنا اديني المكنة وأنا هفصل براحتي، وفي حد تاني يقولك لأ أنا عايزها أكياس جاهزة
العميل : تمام..
مهندس منسي : دي موجودة، ودي موجودة
العميل : خلاص ماشي، أنا في انتظار رسالة حضرتك
مهندس منسي : أقرب لك إيه؟ حدائق القبة، مدينة نصر، باب الشعرية
العميل : ممكن باب الشعرية أنا بنزل باب الشعرية كتير
مهندس منسي : هبعتلك باب الشعرية حالاً
العميل : ماشي يا حبيب شكراً
مهندس منسي : مع السلامة
العميل : شكراً، مع السلامة
