خامات العبوات والطبات من شركة المهندس منسي
العميل : سلام عليكم
مهندس منسي : عليكم السلام ورحمة الله وبركاته
العميل : حضرتك بسأل على عبوات 1 لتر اللي هي 30 جرام
مهندس منسي : عايز عبوة 1 لتر وزنها 30 جرام؟
العميل : أيوه
مهندس منسي : إنت عايزها بلاستيك ولا حاجه تانية
العميل : لا بلاستيك عادي بنعبي فيها أسمدة سايلة
مهندس منسي : آه موجودة
العميل : طيب إحنا بنحتاج العبوة خضرا والطبة ألومنيا، قصدي الطبة خضرا وطبة ألومنيا
مهندس منسي : إحنا عندنا الطبات بجميع أنواعها وعندنا المكن بتاعها لعمل الطبات بجميع أنواعه
العميل : تمام…
مهندس منسي : وعندنا برده الأكياس الألومنيا اللي إنتم بتحتاجوها
العميل : عظيم، الألف عامل كام يا باش مهندس؟
مهندس منسي : الكمية أد إيه؟
العميل : هنحتاج بتاع 3000 كده مبدئياً
مهندس منسي : ما ينفعش 10
العميل : دي أيام طين يا باش مهندس اللي إحنا فيها دي، عارف يعني إيه 2000
مهندس منسي : دي أقل كمية في الطبات
العميل : لا مش حكاية أقل كمية يعني ربنا يكرمنا ونعرف نعمل بيعة بره مصر عشان العملية طين هنا أساساً، فإحنا بنحاول نتحنجل هنا زي ما بيقولوا يعني
مهندس منسي : ربنا ييسرلك الأمور
العميل : الله يخليك يا باش مهندس
مهندس منسي : هتبقى الألف عامله في حدود 250 جنيه
العميل : اللي هي الألف إيه؟
مهندس منسي : ألف طبة
العميل : لأ ألف عبوة نفسها، العبوة لتر
مهندس منسي : آه 1000 عبوة، حضرتك بص هتيجي تختار العبوة لأنه أنا مش معايا أسعار العبوات، فحضرتك هتيجي تختار العبوة وهوه هيديلك سعرها وإنت واقف
العميل : طب هل دي بضاعة حاضرة
مهندس منسي : أكيد إن شاء الله، لو ما كنش بضاعة حاضرة نصنعهالك في خلال 3 ـ 4 أيام بالكتير قوي
العميل : ماشي يا باش مهندس شاكرين أفضالك
مهندس منسي : لا تحت أمرك
العميل : سلام عليكم
