خامات تغليف بالشرينك من شركة المهندس منسي

  

خامات تغليف بالشرينكالعميل: سلام عليكم.

المهندس منسي: عليكم السلام ورحمة الله وبركاته.

العميل: لو سمحت حضرتك كنت عايز أطبع ورق شرينك وكنت عايز أعرف أقل كمية ممكن أطبعها أد إيه؟

المهندس منسي: حضرتك تشرفنا بالتصميم علشان خاطر صعب إن إحنا نقول… آه هوه أقل كمية ربع طن.

العميل: آه..

المهندس منسي: بس عملية السعر، طبعاً أكيد.. أكيد هتسألني السعر كام.. قولها كده هتسألني السعر كام.

العميل: آه طبعاً.

المهندس منسي: شوفت أنا بخمن إزاي.

العميل: أنا زبون عندك خلي بالك.

المهندس منسي: والله.

العميل: آه والله، تبع الحاج حامد مسعود، واخد منه مكن.

المهندس منسي: هوه أقل كمية ربع طن، أما بالنسبة للسعر استحالة يتحدد في التليفون، لأنه بيعتمد على حاجات كتيرة قوي، بيعتمد على التصميم رقم 1، رقم 1 بيعتمد على التصميم، رقم 2 بيعتمد على الكمية، رقم 3 على نوعية الخامة، رقم 4 العرض بتاع الخامة إيه.

العميل:هوه حضرتك عارف….

المهندس منسي:  كل الحاجات دي يبقى صعب اكتشافها في التليفون.

العميل: حضرتك إنت عارف العلبة بتاعت الورنيش السائل؟

المهندس منسي: ما هو أنا عارف كل حاجة، كل واحد أكلمه يقولي إنت عارف كذا، هوه أنا هعرف كل الدنيا، هيبقى صعب عليا.

العميل: آه…

المهندس منسي: فمعلش اتعب نفسك شويه، هوه أقل كمية عموماً ربع طن، وبنطبع روتوجرافيك أحدث أنواع الطباعة في العالم كله.

العميل: تمام.

المهندس منسي: بعد كده حضرتك هتتعب نفسك شويه معلش وهتيجي تشرفنا بالزيارة هتاخد كل ما يفيدك.

العميل: في المكتب اللي هوه فيه الحاج حامد اللي هوه في باب الشعرية.

المهندس منسي: إن شاء الله.

العميل: تمام… طب أنا برده كنت عايز أعرف الرينج بتاع السعر إيه عشان أنا من إسكندرية مش من القاهرة.

المهندس منسي: والله يا سيدي لو كنت أعرف الرينج ما كنت اتأخرت عنك ولا كنت قولتلك الاسطوانة الطويلة العريضة اللي طلع ما لهاش لازمة أنا عمال أتكلم وأتكلم وأتكلم وفي الآخر برده بتقولي السعر.

العميل: لا يعني يتراوح من كذا لكذا.

المهندس منسي: والله لو أعرف السعر صدقني ما كنت أتأخر عنك، والله أنا بحلفلك بالله.

العميل: تمام.. خلاص، طب ممكن أعرف بس مواعيدك.

المهندس منسي: ممكن تعمل حاجة ظريفة أساعدك بيها، ممكن تراسلنا بالديزاين بتاعك على الإيميل وتبعتلنا صورة الحاجة اللي إنت عايزها، وفريق المراسلات هيتولى التعامل معاك وهيبعتلك كل حاجة.. إيه رأيك.

المهندس منسي: على نفس الرقم ده.

العميل: ده الحل اللي يرضي جميع الأطراف.

العميل: لا والله أنا اتعاملت معاكم وأنا برتاح في المعاملة معاكم بس أنا….

المهندس منسي: أنا حابب إن أنا أساعدك… أنا نفسي إن أنا أساعدك

العميل: حتى وريت للحاج حامد، يعني ورتله التكيت اللي أنا عامله بس مش شغال قوي لازم الشرينك ده.

المهندس منسي: لا حاضر، حضرتك ابعتلنا الحاجة وإن شاء الله تحت الأمر يا غالي.

العميل: على نفس الرقم ده.

المهندس منسي: لا على الإيميل.

العميل: على الإيميل.

المهندس منسي: على الإيميل مش على الواتس آب.

العميل: آه.. آه.. هبعتلك الإيميل في رسالة دلوقتي حالاً.

المهندس منسي: خلاص تمام يا باشا مع السلامة…

العميل: مع السلامة.