خامات زجاجات العصير بجميع أنواعها من شركة المهندس منسي

العميل : السلام عليكم

مهندس منسي : عليكم السلام ورحمة الله وبركاته

العميل : مصنع المهندس

مهندس منسي : أيوه

العميل : كنت عايز أستفسر عن أسعار أزايز عصير

مهندس منسي : ما هو إحنا بنشتغل، مش بنشتغل كده إن إحنا نصنع أزايز عصير ونبيعها، إحنا بنشتغل تصنيع خاص، يعني مثلاً شركة زي شركة ياهوو أو يس… فبعملهم عبوتهم همه، يعني حضرتك عندنا خصوصية في التصنيع

العميل : تمام.. بالاسطمبة بتاعتها يعني

مهندس منسي : أيوه.. بنصنع الاسطمبة الأول، وبعد كده بننتج لك عليها كيفما تشاء

العميل : تمام.. تمام..

مهندس منسي : يعني حضرتك بتجيب الشكل اللي إنت عايزه أو العبوة اللي إنت عايز زيها، وبنصنع لك الاسطمبة وبعد كده بنفذ لك عليها

العميل : طب للتأكيد مثلاً، يبقى تكلفة الاسطمبة وتكلف الألف هيبقى كام…

مهندس منسي : بص يا سيدي تكلفة الاسطمبة مبدئياً ، أما تكلفة العبوات دي حضرتك بتوزن العبوة وهي فاضية وبتضرب الجرام × 4 قروش

العميل : تمام… خلاص يعني بالتقريب مثلاً اللتر بتبقى كام جرام؟

مهندس منسي : على حسب في ناس بتعمل العبوة اللتر من 15 جرام، وفي بيعملوها من 35 جرام، وفي بيعملوها من 120 جرام… فأديك سعر بناء على أي أساس؟؟؟ فكل العملية أنا بقولك دلوقتي إزاي تحسب تكلفة عبوتك

مهندس منسي : الجرام × 4 قروش

العميل : اه تمام

مهندس منسي : توزنها على ميزان جواهرجي مش تروح توزنها على ميزان بتاع الجبنة…

العميل : آه تمام.. تمام.. تمام.. ماشي يا فندم شاكر جداً

مهندس منسي : ماشي يا غالي

العميل : شكراً السلام عليكم