خامات طبات لحام العبوات البلاستيك من شركة المهندس منسي
العميل : السلام عليكم
مهندس منسي : عليكم السلام
العميل : أيوه يا باش مهندس
مهندس منسي : أهلاً وسهلاً
العميل : أنا بكلم حضرتك أنا عايز كبسول بتاع إزازة 100 سم، أبعتلك الصورة بتاعتها، اللي هي الكاوتشه بالفويل اللي عليها، اللي هي الألومنيوم ده
مهندس منسي : آه..
العميل : تمام، عايز أعرف بقى أخده إزاي؟ ولا أخده إمتى؟ ولا بكام؟
مهندس منسي : هنشوف… لازم تبعتلي بس عينة ملموسة عشان آخد المقاس، أرفع المقاس بتاعها عشان أشوف الغطا مقاسه كام
العميل : بس أنا كنت كلمتك قبل كده وكنت قلتلي أقل كمية مثلاً 15 ألف…
مهندس منسي : آه مضبوط
العميل : وقلتلي سعر مش عارف 30 أو 35 قرش تقريباً
مهندس منسي : آه…
العميل : الكبسول… فطب ماشي، فهل لازم أبعتلك العينة برده الأول قبل ما…
مهندس منسي : ما هو في كل الأحوال الحاجات اللي أنا قلتهالك ديت مقاييس تمشي عليها، إنما في كل الأحوال لازم نمسك عينة لايف عشان خاطر… إلا إذا كنت إنت عارف المقاس وأنا هجيبه على مسئوليتك
العميل : تمام.. تمام.. أنا هبتعت لحضرتك المقاس طيب
مهندس منسي : يستحسن لو حضرتك بعتلي العبوة ملموسة أقدر أرفع منها مقاساتي وكده…
العميل : يعني الصورة مش هينفع لازم أبعتلك إزازة
مهندس منسي : كل الحاجات دي حاجات استرشادية بس عشان ندي حاجات تقريبية
العميل : تمام.. يعني حضرتك ما ينفعش تشوف مثلاً أي إزازة 100 سم عند أي حد وإحنا نجيب عليها، الإزازة مش مشكلة بالنسبة لنا
مهندس منسي : ما هو كل واحد كلمني طول النهار… أنا أقعد أجري على المحلات
العميل : لأ طب خلاص لو أنا عايز أبعتها لحضرتك أبعتها لحضرتك إزاي، أنا من المنصورة
مهندس منسي : ابعتها بالبوسطة، أنا هبعتلك تليفون المبيعات
العميل : تمام اوك
مهندس منسي : آه.. أنا هبعتلك بقى على التليفون المبيعات وحضرتك تابع معاهم
العميل : طيب ماشي.. ياريت يعني
مهندس منسي : هتلاقي فيه العنوان وهتلاقي….
العميل : خلاص تمام.. ماشي
