خامات سلوفان شرينك لتغليف زجاجات المياه من شركة المهندس منسي
العميل : سلام عليكم.
المهندس منسي : وعليكم السلام ورحمة الله وبركاته.
العميل : باشا شركة المنسي.
المهندس منسي : أيوه.
العميل : طب بعد إذن حضرتك كنت عايز أسأل على الشرينك الكيس.
المهندس منسي : اتفضل.
العميل : اللي هوه يا فندم أنا دلوقتي بفتح خط إنتاج بكميات أزايز بلاستيك، الإزازة هتبقى واحد لتر.
المهندس منسي : آه.
العميل : والغطاء هيبقى واسع شوية من فوق يعني حوالي.. بيقولوا عليه غطاء 32
المهندس منسي : آيوه.
العميل : أوكيه، فدلوقتي أنا كنت عايز أعمل عليها طبقة نازله 10سم من بعد الغطاء نازلة على الإزازة تبقى بلاستيك كأنها برشامة بتحليلي شكل الإزازة، فاهمني يا باشا.
المهندس منسي : أيوه معاك آه.
العميل : الطبقة البلاستيك دي اللي هي بتنزل فبتسيح، أجيبلها بلاور مثلاً بيتسخن عليها كده حوليها فبتسيح، فتمسك الإزازة.
المهندس منسي : هي مش بتسيح هي بتتشرنك عليها بتنكمش.
العميل : بتنكمش بالضبط آه فتمسك فيها.
المهندس منسي : بتعمل زي عملية شرنكة على الحاجة يعني.
العميل : آه.. دي أنا شوفتها على الإزازة قبل كده وكنت شايفهم قدامي بيعملوها ببلاور بس بتاع زي ما تقول جلد كده حضرتك أو نوع من أنواع الجلد.
المهندس منسي : آه.. مش جلد هوه خامة اسمها سلوفان الشرينك.
العميل : ممكن.
المهندس منسي : آه..
العميل : دي موجودة عند حضرتك؟
المهندس منسي : موجودة آه.
العميل : بس هي بتنزل كلها، لأن أنا سألت برده قالولي إنها بتبقى مخرومة من فوق من عند الغطاء.
المهندس منسي : بتقى تيوب.
العميل : بتبقى إيه؟
المهندس منسي : تيوب.. قطعة.
العميل : بتبقى قطعة بس ماتبقاش مفتوحة من فوق يا باشا؟ يعني بعد ما تلحم وبعد ما تسخن عليها وكده.
المهندس منسي : آه.. لا بتبقى تيوب مفتوحة من فوق ومفتوحة من تحت.
العميل : ماشي ما أنا عايزها بقى تبقى مقفولة من فوق.
المهندس منسي : مقفولة من فوق.
العميل : آه الغطا، تبقى مدارية الغطا الغطا كله مداري بالتحتيه تحت البتاعه.
المهندس منسي : آه… لا ده دي هتبقى لها طلبية خاصة، إنما هوه الطبيعي إنها بتبقى مفتوحة من فوق ومفتوحة من تحت.
العميل : آه.. مفتوحة من فوق ومفتوحة من تحت.قولي كده لو سمحت…
المهندس منسي : شوفت كده أزايز المياه.
العميل : آه..
المهندس منسي : بتبقى مفتوحة من فوق
العميل : الله ينور على حضرتك.
المهندس منسي : هي نفس دي.
العميل : آه… آه.. طيب قولي كده لو حضرتك لو هتبقى مفتوحة من فوق هتبقى جلد ولونها أسود أنا عايزها لونها أصفر.
المهندس منسي : آه.
العميل : دي تعملها كام مثلاً؟
المهندس منسي : ده بيتحدد بقى بناء على بعض الأشياء، يعني ممكن حضرتك بتقلي الكمية، أول حاجة الكمية، تاني حاجة السماكة، السماكة اللي إنت عايزها؟
العميل : لا أنا عايز سماكة خفيفة جداً وفي نفس الوقت تكون جداً على البلاور من النوع اللي هي وفي نفس الوقت ما تشدش.
المهندس منسي : الكمية أد إيه؟
العميل : يعني مثلاً لو قلت أول طلبية مثلاً 3000، نجرب بس بـ 3000.
المهندس منسي : أقل كمية ربع مليون 200 ألف كده يعني.
العميل : يا نهار أبيض لا والله 200 ألف إزازة؟
المهندس منسي : ممكن يكون في موجود بضاعة حاضرة 10 15 ألف إنما 3000 دي مش تبعنا خالص.
العميل : 10 15 ألف، طيب ماشي، لو قلت 10000 تبقى عامله كام مثلاً.
المهندس منسي : حضرتك تيجي تشرفنا بقى تختار الخامة اللي هتعجبك وخير يعني.
العميل : مافيش مشاكل آجيلك يا باشا، إنتم فين دلوقتي؟
المهندس منسي : في باب الشعرية وفي حدائق القبة وفي مدينة نصر، ومواعيدنا من 11 إلى 9.
العميل : طيب اللي هينجز معايا يا باشا واللي يعرف يدلنا على الصح حضرتك شايف إيه.
المهندس منسي : التلاتة زي بعض.
العميل : آه… باب الشعرية وإيه تاني؟
المهندس منسي : حدائق القبة ومدينة نصر.
العميل : طيب باب الشعرية ده فين؟
المهندس منسي : هبعتلك العنوان في رسالة حالاً.
العميل : طب ممكن حضرتك تديني ولو نبذة بس عن السعر بيتراوح من كام مثلاً لو حتى مثلاً….
المهندس منسي : ما هوه مش السعر بيتراوح من كام لكام، السعر المعتاد في الكميات بيعمل في حدود الألف بـ40 جنيه يعني .
العميل : هوه حضرتك بتستوردها يعني ولا إيه؟
المهندس منسي : للألف، بس ده كميات، إنما إنت هتروح لو لقيت حاجة جاهزة هتاخودها هيبقى بسعر أعلى طبعاً.
العميل : السعر هيبقى أعلى.
المهندس منسي : آه.. عشان كمية قليلة.
العميل : اللي همة العشر آلاف مثلاً.
المهندس منسي : آه.
العميل : طب يعملولهم كام مثلاً من وجهة نظرك؟
المهندس منسي : ما هوه أنا لو كنت أعرف صدقني كنت قولتلك على طول، هي كل العملية إن بتروح بتشوف الخامات الموجودة اللي جاهزة دلوقتي لأنه مش هيعملك طلبية خاصة..فيقلك السماكة دي… يعني كمان مش كمان حضرتك مش هتلاقي السماكة، ده إنت هتلاقي سماكات مثلاً هيقولك دي أو دي أو دي، هتختار فهيقولك دي سعرها كذا، فكون إني إنا أقعد أقولك أسعار فأنا كده عايز لستة أكلم منها.
العميل : آه.. آه… طيب معلش حاجة تانية، البامبات، عارف حضرتك البامب اللي بيتحط على الإزازة بيتضغط فبينزل.
المهندس منسي : آه.. البامبات آه.
العميل : دي حضرتك ليك علاقة بيها مثلاً…
المهندس منسي : آه.. دي نجيبهالك بالطلب، يعني مش طبيعة شغلنا إنما ممكن نستوردها لك عن طريق شركتنا اللي في الصين.
العميل : آه… بس برده لما أروح هناك باب الشعرية مثلاً ولا حاجة حد يعرف يدلني عليها؟
المهندس منسي : أكيد.
العميل : آه.. بمواصفات معينة مثلاً، بالمواصفات اللي أنا عايزها.
المهندس منسي : آه..
العميل : خلاص ماشي.. ماشي يا أستاذ، أشكرك، أشكرك، طب هستنى بقى من حضرتك الرسالة بالعناوين، ويا ريت لو في أرقام تليفونات يبقى إنت ريحتني. شكراً يا فندم
المهندس منسي : العفو.
