خامات سلوفان لتغليف المناديل المعطرة من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : حضرتك أنا كلمت حضرتك من شويه إحنا شركة أدفنسيد
المهندس منسي : أنا مش سامعك
العميل : ألو…أيوه مع حضرتك
المهندس منسي : أيوه اتفضلي
العميل : إحنا كلمنا حضرتك من شويه شركة أدفنسيد عايزين نوع ورق معين حضرتك قلتلي إن هوه عندك
المهندس منسي : مناديل؟؟
العميل : مناديل معطرة اللي إحنا عايزين الورقة تتغلف سلوفان
المهندس منسي : آه
العميل : ممكن أعرف 20 أو 25 كرتونة وهنطبع عليهم الليبول اللي إحنا عاملينه هيبقى السعر كام؟
المهندس منسي : آه ما هو زميلتك كلمتني النهاردة وأنا قلتلها الكمية بتاعتك قليلة فإحنا محتاجين كمية كبيرة على الأقل خالص 100 ألف كيس إلى 200 ألف كمان، فدي لسه هنعمل بيها مقايسة ولكن الكمية بتاعتك قليلة قوي
العميل : طب معلش هي الكرتونة كام كيس؟
المهندس منسي : لأ ده إنت اللي بتحددي، دي متطلبات العميل، يعني إحنا نعبي، يعني هنعملكم المنديل ده لحسابكم، يعني معناها إنت اللي بتقولي إعملي المنديل ده المقاس بتاعه كذا × كذا… يعني إنت اللي بتحددي المواصفات الكستومايز وأنا بمشي عليها
العميل : آه… طب أوكيه طب أقل حاجة حضرتك بتطبعها أد إيه؟
المهندس منسي : بالنسبة للرولات لو هتستلميها رولات هيبقى ربع طن
العميل : يعني إيه أنا عايزه المناديل وتكون متغلفة بورق السلوفان
المهندس منسي : كده هنبدأ نحسبها، حضرتك هتبعتلنا كيس وهنبدأ نوزنه ونقول رول كذا يعمل كمية كذا… يعني نعمل مقايسة وإحنا قاعدين
العميل : تمام.. أبعت لحضرتك صورة هوه الرقم ده عليه واتس آب؟
المهندس منسي : لأ مش صورة إنت هتبعتلي الكيس نفسه
العميل : هبعتهولك اللي أنا عايزه أعمله
المهندس منسي : آه.. الكيس نفسه لايف، العينة
العميل : تمام.. فهمت حضرتك، طب معلش ممكن تقولي العنوان فين؟
المهندس منسي : هبعتهولك في رسالة حالاً
العميل : وحضرتك هتحددلي السعر هيبقى إيه؟
المهندس منسي : حاضر
العميل : تمام مرسي قوي ليك مع السلامة
