خامات وأكياس تعبئة ملح وفلفل من شركة المهندس منسي
مهندس منسي : سلام عليكم
العميل : عليكم السلام ورحمة الله وبركاته، شركة إم تو باك
مهندس منسي : أيوه
العميل : معاك المهندس محمد إبراهيم شركة دعاية وإعلان
مهندس منسي : أهلاً بيك
العميل : أهلاً بيك، كنت عايز أستفسر إنتم عندكم أكياس ملح وفلفل، أنا عايز أطبع عليها
مهندس منسي : إنت عايز أكياس إيه؟
العميل : أكياس ملح وفلفل، عشر كراتين، وعشر كراتين
مهندس منسي : عشر كراتين إيه؟
العميل : عشر كراتين ملح وعشر كراتين فلفل
مهندس منسي : مش عارف يعني
العميل : لمطعم
مهندس منسي : آه إحنا عندنا مواد بتاعت الأكياس، المادة بتاعت الأكياس
العميل : آه…
مهندس منسي : فإنت دلوقتي هتحتاج المادة دي عشان هتعمل بيها الأكياس
العميل : إنتم عندكم المواد بس…
مهندس منسي : اسمعني يا هندسة، أو هتخدها أكياس جاهزة
العميل : آه.. ما عاوزها أكياس جاهزة مطبوعة
مهندس منسي : فإنت بتقولي أنا عدد الأكياس مقاس كذا × كذا، واخد بالك كذا، أو بتقولي أنا عايز رولات الأكياس علشان أنا عندي مكنة تعبئة أتوماتيك، إنما جديدة إن واحد يقولي أنا عايز 8 كراتين مكن
العميل : لأ أنا فاكر إن إنتم عندكم التعبئة على طول
مهندس منسي : أنا أول ما إنت اتصلت بيا أنا استفتحت خير قلت أنا بكلم مهندس فاهم
العميل : لا تمام أوكيه، أصل أنا كنت بتعامل مع مصنع تاني في أكتوبر بكلمهم بيدولي الكراتين متعبئة جاهزة على طول
مهندس منسي : آه… آه… إنت عايز ملح وفلفل متعبيين
العميل : آه
مهندس منسي : يعني مش عايز أكياس فاضية…
العميل : آه.. آه عايزها متعبئة جاهزة ومقفولة إن أنا هوردها لمطعم يعني
مهندس منسي : آه.. لا إحنا شركة بتبيع مكن التعبئة والتغليف ومواد الأكياس بتاعت التعبئة والتغليف
العميل : تمام… طب أنا بسأل بالنسبة لو أنا إن جبت من عندكم الأكياس دي مثلاً هتبقى التكلفة بتتحسب إزاي
مهندس منسي : ما هوه أنا بالنسبة لي ما عنديش طلبك، طلبك إنت عايز حاجة متعبية جاهزة
العميل : آه
مهندس منسي : إنت عايز كده مصانع أوردي شغال في الموضوع ده، بتعبي وتبيع
العميل : آه
مهندس منسي : إنما إحنا بنبيع المكن للمصانع دي
العميل : تمام.. طب عند حضرتك مثلاً أي حد يكون كده توصلني بيه، مثلاً تكون بيعتله مكنة أو كده
مهندس منسي : أنا عندي كتير بس أنا للأسف ماعنديش قاعدة بيانات أديها للناس أقوله خد فلان وفلان وفلان، إنما أنا أرد على استفسارك ماشي
العميل : تمام.. شكراً.. شكراً
