اكياس الومنيا لتعبئة المبيدات الحشرية مقدمة من شركة المهندس منسي

العميل : السلام عليكم

المهندس منسي : عليكم السلام ورحمة الله وبركاته

العميل : إزيك يا باشا

المهندس منسي : أهلاً بيك

العميل : باش مهندس محمد المنسي

المهندس منسي : المهندس منسي معاك

العميل : إزي سعادتك

المهندس منسي : أهلاً بيك

العميل : أنا عايز كيس ألومنيا عارف زي بتاع المبيدات الحشرية

المهندس منسي : آه

العميل : أنا عايز أعمل زيه بالضبط، هجيبلك كيس معايا بس أنا في المكتب فقالوا النهاردة الجمعة أنا من المنوفية

المهندس منسي : ممكن تسيبه مع حد وهوه…

العميل : أسيبه مع حد…

المهندس منسي : آه

العميل : طب المطعم فيه المبيعات

المهندس منسي : مطعم؟؟؟

العميل : إنت كاتب ورقة كده مطعم المنسي به المبيعات

المهندس منسي : لأ

العميل : ده ورقة متعلقة على باب حضرتك على المكتب

المهندس منسي : بتقول إيه؟؟ لأ المبيعات في المقر التاني، همه مقرين في باب الشعرية

العميل : المقر التاني فاتح النهاردة ولا قافل؟

المهندس منسي : كله قافل النهاردة الجمعة

العميل : طب ممكن حضرتك تعملي الكيس لونه أحمر من بره وألومنيا من جوه

المهندس منسي : أنا ما أقدرش أديلك سعر إلا لما أشوفه

العميل : مش سعر أنا بتكلم على إمكانية العمل يعني

المهندس منسي : أي كيس أياً كان إحنا نعمله في الموضوع ده

العميل : آه..

المهندس منسي : ماشي

 

العميل : آه المهندس منسي معلش أنا آسف معلش، بقول لحضرتك إحنا جينا من المنوفية مشوار سخن سخن سخن، وما نعرفش إن حضرتك قافل يعني

المهندس منسي : لا ولا يهمك، كنت ممكن تبعت الكيس عن طريق البريد وإحنا…

العميل : مش مشكلة إحنا نيجي بالعربية ونقابل حضرتك مش مشكلة

المهندس منسي : إنت جيت نورتنا

العميل : الله يبارك لك يا باش مهندس منسي، طب دلوقتي الكيس اللاميت، عارف إنت كيس اللاميت اللي هوه 90%

المهندس منسي : آه هوه بص إحنا بنصنع كل أنواع الأكياس، أي كيس أياً كان

العميل : بس نفس الدرجة بالضبط ولا أقل

المهندس منسي : يا بيه درجة إيه.. إحنا بنتكلم في روتوجرافيك أعلى أنواع الطباعة

العميل : حلو أعلى أنواع الطباعة جميل قوي

المهندس منسي : آه يعني مافيش أعلى من كده

العميل : جميل.. جميل… إحنا عايزين كده لأنه إحنا بنعمل خامة اللي جواها الومنيوم اللي جوه المنتج

المهندس منسي : آه…

العميل : فإحنا كنا عايزين نقعد مع حضرتك نشوف الكمية أد إيه ونجيلك إمتى؟

المهندس منسي : إن شاء الله، هوه أقل كمية ربع طن، وإحنا موجودين طول أيام الأسبوع ماعدا يوم الجمعة

العميل : طب لو عايزين أقل عشان نشوف بس ظروفنا في الـ…

المهندس منسي : نبص على الكيس وإن شاء الله ما تقلقش خالص

العميل : طب معاك د/ أشرف أهو.. حاج منسي

المهندس منسي : حبيبي

العميل : إحنا حبيب قلبي لسه بادئين فعازين بص تقف معانا

المهندس منسي : إن شاء الله

العميل : وإن شاء الله فتحة خير

المهندس منسي : لا ما تقلقش

العميل : أنا عايز أقل أقل كمية

المهندس منسي : إن شاء الله

العميل : طيب آجي لحضرتك إمتى؟

المهندس منسي : أنا موجود طول أيام الأسبوع ماعدا يوم الجمعة أجازة

العميل : حبيب قلبي حاج منسي، تسلم حبيب قلبي، صباح الفل، كل سنة وإنت طيب، بكرة الساعة كام المكتب بيفتح؟

المهندس منسي : من 11-9

العميل : وحضرتك موجود إمتى؟

المهندس منسي : أنا موجود من 5-11 بالليل

العميل : بتروح فترة مسائية يعني

المهندس منسي : آه إن شاء الله إنت ممكن تروح الناس اللي هناك موجودين هتلاقيهم زي الفل شغالين يعني

العميل : اللي همه في المكتب؟

المهندس منسي : آه

العميل : أنا عايز أقابل حضرتك عشان تديني أقل كمية خالص، يعني أنا بص مثلاً عايز أبدأ 50 في 50 كده يعني حاجات كده يعني

المهندس منسي : إن شاء الله ماشي ربنا ييسر

العميل : هاجي لحضرتك بكرة إن شاء الله، ماشي حبيب قلبي شكراً، متشكرين