خامات ورولات البي بي سي لمكن الفاكيوم من شركة المهندس منسي
العميل : سلام عليكم
مهندس منسي : وعليكم السلام ورحمة الله وبركاته
العميل : شركة المنسي معايا يا باشا
مهندس منسي : أيوه
العميل : إزيك يا باشا
مهندس منسي : الحمد لله
العميل : لو سمحت يا باشا كنت عايز أسأل على الرولات بتاعت البي بي سي بتاعت مكن الفاكيوم
مهندس منسي : آه
العميل : أصل أنا جيبت مكنة جديدة وبصراحة لسه ما جبتلهاش خامة كده وكنت بسأل حضرتك شفتك على النت وجبت الرقم من على النت
مهندس منسي : ماشي مش مشكلة إنت عايز عرض كام؟
العميل : أنا المكنة بتاعتي عرض 130 × 280
مهندس منسي : إنت عايزها للأبواب ولا إيه؟
العميل : آه للأبواب وفرشة المطبخ والموبيليا والكلام ده
مهندس منسي : آه يعني مش عايز البي بي سي الشفاف عايز البي بي سي الألوان
العميل : الألوان آه… الألوان في البيج كده والكلام ده
مهندس منسي : آه.. آه.. عايز السماكة أد إيه؟
العميل : هوه فيه سماكة؟
مهندس منسي : آه التكنيك
العميل : أصل أنا بصراحة بص المكنة حتى لسه ما مستلمتهاش وجايبها من شركة هوت بارت
مهندس منسي : شركة إيه؟
العميل : هوت بارت
مهندس منسي : هوت بارت؟
العميل : آه
مهندس منسي : دي في الصين ولا فين؟
العميل : اللي هي عين شمس
مهندس منسي : آه… هوت بارت
العميل : آه.. آه
مهندس منسي : آه.. ادوهالك بكام؟
العميل : لأ أنا جيبت الكبيرة
مهندس منسي : آه…
العميل : الكبيرة عامله 130000
مهندس منسي : آه… آه… وليه ما وفرلكش الخامة؟
العميل : ما هوه الخامة ما بيشتغلش فيها
مهندس منسي : آه.. آه…
العميل : بس أنا بصراحة بالصدفة كده بدور على النت وبتاع فلقيت شركتكم فكلمتك على طول
مهندس منسي : ماشي يا غالي
العميل : بس فبصراحة ما أفهمش فيه يعني إيه التخانات وإيه الكلام ده
مهندس منسي : ما هوه السماكة، في حاجة اسمها التكنيك السماكة، السماكة دي يعني مثلاً رقها أد إيه، الرق بتاعها، يعني رقيقه لغاية كام
العميل : لو هوه إنت شايف يعني يشتغل في ضرفة المطبخ يكون مرسومة يعني مثلاً لأن أنا عاندي في راوتر، فأنا برسم ضرفة المطبخ تمام.
مهندس منسي : آه..
العميل : بعد برسم ضرفة المطبخ….
مهندس منسي : جيبت راوتر؟
العميل : آه عندي آه
مهندس منسي : آه.. آه، إنت بقى اللي مشغلها ولا بتجيب حد يشغلها لك؟
العميل : آه أنا اللي شغلها
مهندس منسي : يعني اتعلمت بارت كام و استديو وكده؟
العميل : آه كل حاجة أنا واخدها من شركة سمبلكس
مهندس منسي : شركة سمبلكس آه
العميل : آه
مهندس منسي : جايبها كام × كام بقى؟
العميل : أنا جايبها مساحة 130 × 250
مهندس منسي : ده كبيرة قوي، ون هيد ولا كام هيد؟
العميل : اللي هوه إيه؟
مهندس منسي : كام هيد.. كام هيد.. كام راس يعني؟
العميل : واحدة بس
العميل : راس واحدة بس
مهندس منسي : آه.. في دلوقتي 4 راس و5 راس وحاجات من دي
العميل : يا باشا في لغاية 16 راس دلوقتي
مهندس منسي : آه.. جيبتها بكام دي؟
العميل : دي عامله حاجة زي كده
مهندس منسي : دي على سعر ال القديم ولا الجديد؟
العميل : على إيه؟
مهندس منسي : على سعر ال القديم ولا سعر ال الجديد؟
العميل : لا سعر قديم أنا جايبها النهاردة ليا سنة ونص
مهندس منسي : سنة ونص آه أيام ما كان ال بسبعة
العميل : آه.. آه
مهندس منسي : النهاردة تعدي
العميل : لا تعدي يا باشا، وبعد كده عندي الاسبندل الإيطالي و كله…
مهندس منسي : مين اللي بيقف….
العميل : شنيجر
مهندس منسي : استنى ولا تقولي شنيجر ولا بتاع اسمع كلامي لوجه الله كل دي أفلام
العميل : آه…
مهندس منسي : قولهم المهندس منسي بقولكم إن الحاجات دي كلها أفلام، ما فيش حاجة اسمها.. إيطاليا نفسها بتعمل في الصين، بس المهم الجودة بس تكون تكويسة، والكفاءة تكون كويسة
العميل : هوه بص هقولك على حاجة يا باش مهندس، هقولك على حاجة
العميل : مش عارف يقولك إيه يقولك أنا جايبها من النجوم، أهم حاجة إن همه ناس يبقوا كويسين بس
مهندس منسي : بص صلي على النبي يا باشا
العميل : آه
مهندس منسي : هوه عامة يعني الاسبندل هوه إيطالي فعلاً يعني الاسبندل إيطالي إيطالي، بس الشنيجر مكتوب عليه ماد إن شاينا، الشنيجر صيني الشركة الصينية
العميل : آه..
مهندس منسي : آه.. لكن هوه من الشنيجر الفرنساوي
العميل : آه…
مهندس منسي : على أساس أنا راسلت شنيجر عشان آخد توكيلهم قالولي إحنا ملناش توكيلات في الشرق الأوسط عموماً
العميل : أيوه بس لكن هوه الإيطالي…
مهندس منسي : وراسلت الشركة بتاعت الاسبندل واخد بالك برده قالولي إن إحنا ملناش توكيلات ومنعرفش أي حاجة من الحاجات دي…..
العميل : هوه إنت بتشتغل في إيه يا باش مهندس غير الشغل…
مهندس منسي : أنا كل المكن اللي إنت قولته ده أنا بجيبه والله
العميل : الماكينات دي بتجيبها؟
مهندس منسي : آه…
العميل : بجد والله
مهندس منسي : آه.. بس هوه الميزة اللي عندي بقى إن أنا بجيبها وبجيب… وما أضحكش على الناس بقولهم المكن ده صيني من إيه تو زد بس بضمان المهندس منسي، بس
العميل : معقولة
مهندس منسي : آه والله
العميل : والله ما أعرف يا باش مهندس إن إنت بتشتغل فيه
مهندس منسي : لا عادي.. عادي.. عادي، ولو عايز مني خامة ما فيش مشكلة، بس هوه الميزة اللي عندي…
العميل : طب إنت عندك المكن الفاكيوم ده يا باش مهندس؟
مهندس منسي : لا دي بعملها بالطلب
العميل : بتعملها بالطلب، طب عندك اللي هي مثلاً 2 حوض دي 2 طرمبة الكلام ده تعمل كام مثلاً
مهندس منسي : الـ 2 حوض، لأ هوه بالنسبة لك أعتقد إن إنت مش هتاخد 2 حوض، إنت أعتقد إنت هتعمل حاجة اسمها توزيع على مستوى التيبل كلها
العميل : آه
مهندس منسي : إحنا بنعمل الـ 2 طرمبة دي بس للتشكيل اللي هوه العالي، أما التشكيل ده فبيحتاج توزيع أكتر
العميل : آه…
مهندس منسي : بيحتاج طرمبات أكتر وتوزيع أكتر في الفرش نفسه
العميل : تمام
مهندس منسي : عشان مافيش ناحية تشق منك، يعني في حاجة اسمها شقت منك، ليه لأن الشفط هنا فتلاقي شقت من الجنب اللي فيه الشفط، يعني مثلاً….
العميل : عشان الشفط جامد بتاعها
مهندس منسي : لو حاطط طرمبتين واحد حصان أو طرمبتين 2 حصان بتقسم الـ 2 حصان بتحط 4 كل واحدة حصان، أو بتحط 6….
العميل : هوه أنا عندي يا باش مهندس على فكرة، عندي 2 طرمبة برده
مهندس منسي : آه… لا هوه قوله يحاول يوزعها لك، يوزع الطرمبتين
العميل : يوزعها يعني علشان الضغط ما يبقاش شديد أو كده
مهندس منسي : آه.. بس هي الشركة اللي إنت بتقول عليها دي أول مرة أسمع عنها يعني
العميل : آه
مهندس منسي : هوه إنت فضلتها عشان عندهم بضاعة حاضرة ولا فضلتهم عشان إيه؟
العميل : هوه بصراحة هوه أنا برده تعامل نت يعني، وبرده شركة سمبلكس
مهندس منسي : آه همه اللي عرفهالك يعني
العميل : آه
مهندس منسي : ماشي
العميل : بس أنا اتفرجت على شغل الراجل يعني يمشي، بس بصراحة يعني ما صادفتش شركتكم يعني أول مرة النهاردة أصادف الشركة دي على النت بس على أساس اللي هوه رولات والكلام ده، بس كماكينات إنتم مش عارضين حاجة يا باشا
مهندس منسي : أقولك السبب بقى، عشان خاطر إنت أساساً لما جيت تدور دورت على الراوتر والسي إن سي
العميل : على إيه؟
مهندس منسي : على الراوتر والسي إن سي، لما جيت أول ما دورت دورت على الراوتر والسي إن سي
العميل : آه
مهندس منسي : فمش هتصادف شركتنا، أما لو كنت دورت على الفاكيوم كنت هتلاقينا
العميل : آه…. آه.. ما أنا دورت فعلاً على السي إن سي، ليزر، راوتر، الكلام ده
مهندس منسي : آه..
العميل : بس إنت موقعك فين يا باش مهندس في القاهرة ولا فين؟
مهندس منسي : في حدائق القبة، مدينة نصر، باب الشعرية
العميل : في مدينة نصر؟
مهندس منسي : آه… بس إنت اتعلمت بقى الآرت كام واتعلمت استديو؟
العميل : آه اتعلمت كل حاجة، ما أنا اتعلمت عندك برده في مدينة نصر في الحي السابع
مهندس منسي : عند مين بقى؟
العميل : عند سمبلكس برده في المكتب بتاعهم
مهندس منسي : آه.. همه اللي علموك تعليم خفيف كده بقى عشان تشغل نفسك
العميل : لا تعليم كامل كل حاجة
مهندس منسي : آه.. ادولك كرس كامل دلوقتي يعني شغال في أي حاجة
العميل : اه
مهندس منسي : طب كويس…
العميل : بس أنا جيبت بصراحة المكنة دي لسه جديد حتى ما استلمتهاش لسه، ما جيتش خدتها يعني، ولسه يعني تكملة للمشروع بتاعي
مهندس منسي : آه..
العميل : وأنا أصلاً أولاً وأخيراً نجار يعني
مهندس منسي : آه ما هوه كله دلوقتي بيحول على التكنولوجيا الحديثة
العميل : آه…
مهندس منسي : عشان خاطر…
العميل : فربنا يكرمنا كده ونعوضها معاك يا باش مهندس في الرولات
مهندس منسي : الأرزاق بإيد ربنا
العميل : الله يخليك يا باشا، طب يا باش مهندس برضه مدتنيش خلفية برده مدينة نصر فين، أخلي الرقم ده معايا وأتابع معاك ولا…
مهندس منسي : آه.. إحنا عندنا في مدينة نصر في مكرم عبيد، وعندنا في باب الشعرية، وعندنا في 6 أكتوبر، وحدائق القبة
العميل : طيب، اللي ألقاك موجود فيه فين؟
مهندس منسي : أنا ببقى موجود في باب الشعرية طول أيام الأسبوع ما يوم السبت بس بكون موجود في مدينة نصر
العميل : ماعدا يوم السبت بس، طب لو هيكون مثلاً يوم سبت أو يوم جمعة، يوم جمعة مش موجود طبعاً؟
مهندس منسي : لا يوم الجمعة موجود بس مقابلات كده خفيفة يعني، ولكن موجود إن شاء الله
العميل : يعني يوم سبت يوم أحد يوم اثنين ألقاك موجود فين، ولا على تليفون؟
مهندس منسي : على تليفون بقى، لأني ببقى موجود السبت بس في مدينة نصر
العميل : زي الفل خلاص يا باش مهندس، طيب يا باش مهندس في سؤال معلش عشان ما أطولش عليك، دلوقتي أنا لو عندي رول يا باش مهندس لون معين
مهندس منسي : آه
العميل : وعايز أطبع عليه أشكال ثري دي ضرف الأطفال والكلام ده
مهندس منسي : مافيش مشكلة.. مافيش مشكلة
العميل : دي بتطبع عادي
مهندس منسي : بتطبع عادي آه
العميل : ده بيبقى مثلاً حتت معينة ولا بيبقى طول الرول كامل؟
مهندس منسي : لأ بيبقى طول رول، بيبقى على رول، بيبقى مطبوع طباعة تكراري
العميل : آه.. بس أنا كنت عايز أجزاء موحدة، يعني على جزء موحد، يعني مثلاً ضرفة الدولاب متر × مترين
مهندس منسي : عادي مافيش مشكلة عايز تعمل ضرفة الدولاب وتتطبعها مافيش مشكلة
العميل : آه… تمام…
مهندس منسي : ولكن هتطلع متكررة
العميل : هتطلع متكررة الله يفتح عليك أيوه أنا عايزها زي كده برده
مهندس منسي : آه
العميل : أو إنت مثلاً عايز تغير يعني تعملي مثلاً من كل شكل مثلاً عشر ضرف متكررين
مهندس منسي : دي نبقى نشوف التصميمات بتاعتك وبناء عليها نعمل.. نشوف تواجيه الطباعة بتاعتنا توبقى ماشيه إزاي
العميل : زي الفل يا باش مهندس.. تمام، هوه عامة هيبقى التصميمات من عندك إنت يعني زي شكل كده مثلاً أطفالي، مثلاً على ضرفة المطبخ شغل مثلاً عنقود عنب الكلام ده
مهندس منسي : لا إنت بتروح مكتب تصميمات وبتعمل التصميمات وبتجيبها لي أنا بطبعها لك
العميل : تمام.. بس إنت بتحولها لي ثري دي ولا أنا بجيبها لك ثري دي؟
مهندس منسي : عادي.. عادي بتجيبها ثري دي على طول
العميل : أنا بجيبها ثري دي على طول، بس في حد معاك يا باش مهندس قريب عليك نروح له ناخد منه التصميمات دي؟
مهندس منسي : أي حد بتاع تصميمات، أي حد بتاع تصميم كتالوجات وحاجات من دي، اللي بيعملك الكتالوج اللي بيعملك الكروت، همه دول
العميل : آه… آه.. طب أنا أجيبهم لك فلاشة ولا أنا أجيبهم لك كروت ولا إيه؟
مهندس منسي : آه على فلاشة آه
العميل : خلاص يعني أنا ممكن وأنا جاي من ناصر، أنا من ناصر على فكرة
مهندس منسي : ماشي يا باشا
العميل : أنا وجاي أنا ممكن أجيبهوم لك معايا، أنا عندي حد كويس هنا يعني
مهندس منسي : إن شاء الله
العميل : خلاص زي الفل يا باش مهندس، دلوقتي أنا أجيبهم لك بالمقاسات ولا المقاس اللي إنت عايزه
مهندس منسي : نعم؟
العميل : أجيبهالك بالمقاسات بتاعتها؟
مهندس منسي : آه بالمقاسات طبعاً
العميل : خلاص زي الفل يا باش مهندس
مهندس منسي : ماشي يا غالي
العميل : ماشي يا باشا، وأنا هسجل الرقم ده الباش مهندس منسي
مهندس منسي : ماشي يا باشا
العميل : ماشي يا باشا.. ماشي اتفضل يا باش مهندس
مهندس منسي : مع السلامة
