خامات وعبوات البي في سي البلاستيك من شركة المهندس منسي

العميل : سلام عليكم

مهندس منسي : عليكم السلام ورحمة الله وبركاته

العميل : باش مهندس منسي

مهندس منسي : أيوه

العميل : طب يا سيدي كل عام وحضرتك بخير، حضرتك إحنا كنا اتعاملنا معاك قبل كده بس حضرتك مش هتتذكرني، كنت بس بستفسر من حضرتك على في عبوة بي في سي 500 مللي عند حضرتك، موجودة يا فندم لسه دي

مهندس منسي : موجودة إيه؟

العميل : موجودة بقول لحضرتك عندك؟

مهندس منسي : إنهي عبوة؟

العميل : والله أنا طلعتها من صفحة من على النت، إحنا اتعاملنا معاك خدنا منك المكنة اللي هي بتاعت اللي بتعمل الأكياس، إنما ما اتعاملتش معاك في أزايز، فبالصدفة دلوقتي لقيت عندك على النت في موجود فيها تعبي إنت أزايز وحاجات زي كده، هي إزازة المفروض بتشيل 500 مللي، أنا محتاجها ومحتاج عليها إن هي بس يكون بيتلف عليها أتومايزر من فوق، فمتوفر عند حضرتكم؟

مهندس منسي : الكمية أد إيه؟

العميل : يعني مثلاً هتبقى في حدود… ما هوه أنا برده على السعر، ما أنا عايز أعرف تقريباً سعرها

مهندس منسي : لا ما هوه العكس بقى الكمية بتحدد السعر

العميل : آه.. طب مثلاً يعني من 300-500

مهندس منسي : أقل كمية ممكن نصنعها 25 ألف

العميل : لا أنا افتكرت عند حضرتك أوردي موجودة توزيع مش تصنيع

مهندس منسي : لا هوه إحنا بنحافظ على خصوصية العميل، فبنضطر نصنع الاسطمبة الأول وبناء على الاسطمبة دي بنبدأ ننفذ العبوة

العميل : آه.. لأ معلش أنا آسف، أنا فاكر إن هي موجودة عند حضرتك يعني موجودة للسوق يعني

مهندس منسي : طيب يا فندم شكراً يا باش مهندس وآسفين للإزعاج، شكراً