اكياس متالايز لتعبئة الادوية البيطريه من شركة المهندس منسي

العميل: السلام عليكم

المهندس منسي: عليكم السلام ورحمة الله وبركاته

العميل: شركة المهندس منسي

المهندس منسي: أيوه

العميل: الحاج جمال موجود

المهندس منسي: جمال مين؟؟

العميل: كنت اتعاملت معاكم قبل كده وكان في الحاج جمال أو الحاج كمال موجود

المهندس منسي: آه الحاج جمال بتاع الصيانة

العميل: آه… كنت بسأل حضرتك على حاجة، في عبوات متالايز أو ألومنيوم  كده

المهندس منسي: ألومنيا إيه… آه في آه

العميل: أكياس متالايز

المهندس منسي: في آه

العميل: طب أقل كمية كام بالطباعة؟

المهندس منسي: ربع طن

العميل: مافيش أقل من كده

المهندس منسي: هوه إنت هتطبع الشكل إيه؟

العميل: أكياس عبوة بيطرية

المهندس منسي: لا نبص بقى الأدوية البيطرية بالذات لها امتيازات خاصة، الأدوية عموماً لها امتيازات خاصة، حضرتك بس وريني الديزاين وهاتلي نوعية الكيس اللي إنت عايز زيها وإن شاء الله خير ما تقلقش يعني

العميل: طب ممكن بس حضرتك أبعته على الواتس ولا حاجة

المهندس منسي: والله بالنسبة لنا في الحاجات دي بنعتبر العينات الملموسة أفضل، أما الواتس مش بنقدر نحدد

العميل: ماشي أنا هجيبلك القطعة في الآخر بس نتفق على الكمية والأسعار وكده…

المهندس منسي: إحنا بس بنحس بالجدية لما بيجيلنا العميل ومعاه عينات ملموسة وكده، أما بالنسبة إن يقعد يبعتلي في صورة يبقى هوه كده أساساً شايف إن الموضوع أقل من إن يروحله، معلش أعذرني إحنا زهقانين طول النهار من تليفونات كده يعني، فيهم ناس جد وفيهم مش جد، ولكن اللي مش جد كتير قوي قوي، فمعلش أعذرني يعني، حضرتك لما تيجي وتشرفنا بعينات ملموسة هنقعد مع بعض وهتلاقي الناس في انتظارك وهيرحبوا بيك ويسقوك القهوة وكل حاجة، يعني أنا دلوقتي بكلمك وأنا في العاشر، يعني أنا إيه اللي ينزلني وأروح… رايح أشتري حاجة نزلتلها العاشر، عرفت مكانها فين فنزلتلها العاشر عشان أشوف الحاجة بأم عيني، أقوم أشوف الدنيا فيها إيه وأضبط أدائي، وأشوف الناس أفكارهم إيه والحكاية كده، ماشي يا دكتور

العميل: شكراً متشكرين جداً

المهندس منسي: مع السلامة