خامات و رولات الاستيكر المطبوع من شركة المهندس منسي

العميل : السلام عليكم

مهندس منسي : عليكم السلام ورحمة الله وبركاته

العميل : باش مهندس منسي معايا

مهندس منسي : أيوه

العميل : معاك طارق صلاح كنا اتقابلنا مرة لما كنت بفرجك المكنة بتاعت الليبول مهندس منسي : برنتر الاستيكر

العميل : آه فين؟

مهندس منسي : في مدينة نصر

العميل : آه أهلاً وسهلاً

مهندس منسي : أهلاً بيك

مهندس منسي : عندنا في مكانا إحنا

العميل : آه في مكتبكم في مدينة نصر

مهندس منسي : آه إزيك يا غالي

العميل : إزيك أخبارك إيه

مهندس منسي : المكنة اللي بتطبع دايركت

العميل : أيوه الله ينور عليك

مهندس منسي : آه أهلاً

العميل : الحمد لله أخبارك إيه

مهندس منسي : الحمد لله

العميل : بقولك إيه دلوقتي بيقابلني ناس بيبقوا عايزين الميديا الورق الاستيكر الرولات الاستيكر اللي بيتطبع عليها

مهندس منسي : آه عندنا آه

العميل : قولي بقى أنواع إيه وأسعار إيه وكده

مهندس منسي : كلها أوروبي ألماني وإيطالي

العميل : إيه اللي عندك أنواع إيه؟

مهندس منسي : يعني إيه أنواع إيه؟ بيبقى ألماني، بلجيكي، هولندي

العميل : بلاستيك.. شفاف.. مط…

مهندس منسي : ورق

العميل : لأ ماعندكش أنواع البلاستيك؟

مهندس منسي : ده بنعملهولهم بالطلب

العميل : طيب، بتبقى عندك عينات معينة، قولي؟

مهندس منسي : يعني هوه بيشوفلي مقاسه إيه وإحنا بنعملهوله

العميل : مقاس إيه فور والبتاع من جوه بتاع الرول الاستاندر، وعايزين الورق البلاستيك…

مهندس منسي : عايز إيه فور رول ولا متقطع؟

العميل : رول

مهندس منسي : مقاس الإيه فور؟

العميل : أيوه

مهندس منسي : ماشي نعملهولك

العميل : وأقصى حاجة 35سم، وهوه أعتقد بيبقى 16 ولا كام؟ مش عارف بس هوه بيبقى ليه رقم استاندر دلوقتي

مهندس منسي : إحنا كنا بنشتغل كاستوميز يعني إعدادات خاصة للعميل

العميل : آه.. آه

مهندس منسي : يعني إحنا عندنا رولات استاندر اللي هي بتبقى 125 سم، فهنبدأ نمسك كل طلب ونقطعهوله بالطلب

العميل : آه رولات استاندر 120 مافيش الـ 210 دي أو 220

مهندس منسي : 220 سم؟

العميل : آه

مهندس منسي : إنت عايز عرض 220 سم؟

العميل : آه

مهندس منسي : هوه الاستاندر العالمي 120

العميل : لأ 220 إيه فور

مهندس منسي : ده الـ 220 بانر.. آه قصدك 220 مللي

العميل : آه 220 مللي صح

مهندس منسي : آه أصل لما نيجي نتكلم 220 سم يعني 1200 مللي

العميل : لا.. لا.. أنا آسف 220 مللي

مهندس منسي : مضبوط آه نقدر نقصهولك بالطلب

العميل : طيب أنواع إيه وأسعار إيه، لأن النهاردة الراجل إنت فاكر لما أنا قعدت معاك أنا قلتلك أنا مش عايز أشتغل في الميديا وبتاع وعايز كل واحد يشتغل بمزاجه ويجيب اللي على مزاجه، فلقيت الراجل مصر إن أنا أوردله، حاجة تانية الميديا دي لازم تكون بتتحمل حرارة على الأقل 150 ْ لأن بتعدي على سخان

مهندس منسي : إنت هتشوف المواصفات بتاعتك إيه وإحنا نبدأ ننفذها بناء على رغبتك إنت

العميل : طيب ينفع آخد منك أي حاجة سمبل أتفرج عليها؟

مهندس منسي : لأ إحنا بنشتغل بناء على السمبل بتاعتك إنت، إنت تيجي تقول المواصفات بنبدأ نجهزهالك لأن إحنا عندنا المكنة اللي بتصنع الاستيكر نفسه

العميل : آه…. طيب بص أنا عايز البلاستيك الشفاف

مهندس منسي : البلاستيك الشفاف اللي هيتحمل الحرارة ده نوع من أنواع البولي آميد أو البولي كربوليت أو البولي إستر

العميل : آه…

مهندس منسي : وده نادر الوجود

العميل : ده كل الناس شغاله بيه اللي بيلصق على البتاع ده، بس ده بيتحمل الحرارة الحقيقة ده مختلف

مهندس منسي : التحمل الحرارة بس، أما العادية اللي هتاخد حبر عادي دي مافيهاش مشكلة خالص ده ممكن نعملها من خامة كويسة أو أي خامة مش هتفرق عادي، أما عملية تحمل الحرارة ده إحنا هنشتغل على حاجة تانية خالص اللي هي بي إي تي، أو البولي آميد أو البولي كربوليت

العميل : آه ما هوه الـ بي إي تي آه

مهندس منسي : آه

العميل : هوه ده فعلاً اللي شغالين عليه

مهندس منسي : ده هنبدأ نشتغلهولك كاستوميز يعني إعدادات خاصة حسب طلب حضرتك

العميل : طيب نقدر نعرف إمتى عشان أبتدي أعرض على الناس، عايز أقولك ده تالت واحد يصر إن أنا أجيبله الميديا

مهندس منسي : خير كويس…

العميل : خير آه خير…

مهندس منسي : هوه أنا كنت نازل في السوق كنت نازل خبير دولي في عالم الهندسة الصناعية، السوق أقعد يزحولني… يزحولني.. يزحولني لغاية ما خلاني في الماتيريال بتاع التعبئة والتغليف ومكن التعبئة والتغليف رغم إن أنا عارف المعدات الصناعية كلها

العميل : آه

مهندس منسي : واخد بالك يعني أفهم في المعدات الصناعية كلها، ولكن السوق زقك هنا وقالك اتحرك هنا بس، وإنت طبعاً طاقتك محدودة، الطاقة بتاعتك إنت كبني آدم محدودة

العميل : ده صحيح

مهندس منسي : يعني مش هتقدر…

العميل : تشتغل في الـ 2

مهندس منسي : أنا مش المفروض إن أنا أتاجر ومش المفروض إن أنا أصنع، المفروض إن أنا أدي للناس حلول وبس، فلاقيت الناس عندنا هنا بياخدوا الحلول ببلاش، عايزين الحلول ده ببلاش، عشان تبيع منتجك، رغم إن كان في ألمانيا لأ ده كان في مكتب للحلول دي، مكتب خاص ومكتب استشارات لحل المشكلة دي، عشان تبيع تحللي، تحل وتبيع

العميل : بالضبط كان لسه هقولك، الراجل ده فاتح مركز طباعة كبير وبيشتغل مع كارفور، فعايز يبيع لكارفور الحاجات الليبول اللي تتلصق اللي هي كاستوميز، بمعنى إن كارفور هينزل زيت زيتون باسمه كارفور فيحط ليبول على زيت الزيتون بتاعه، فمش هيحط كمية كبيرة فهيطبعله، بس فقالي اديني الحل كامل على بعضه أبقى عارف السعر كام على بعضه أقدر أبيع لكارفور وأسعر

مهندس منسي : مضبوط آه

العميل : قلتله طيب خلاص، كلمتك الظهر وأنا قاعد معاه على أساس أعرف حتى تقريبي سعر إيه كنت إظاهر مشغول ولا حاجة فمردتش

مهندس منسي : آه.. آه…

العميل : طيب خلينا نتكلم بكرة تاني تكون عندك فكرة عن الأسعار وأنا أجيب المقاس بالضبط من جوه إيه، القطر من جوه والقطر الخارجي

مهندس منسي : إن شاء الله

العميل : وفي الحالة دي ممكن نبقى عارفين عدد الأمتار، طول المتر كام

مهندس منسي : إن شاء الله

العميل : طيب خلاص ماشي، هوه…

العميل : الشفاف؟

مهندس منسي : آه هيبقى شفاف من خامة الـ بي إي تي أو البولي آميد أو البولي كربوليت يتحمل درجة حرارة 150 ْ

العميل : لأ ده الميني مام 150 ْ، من 150 ْ ـ 170 ْ ـ 180 ْ

مهندس منسي : ماشي

العميل : ماشي أوكيه، بحيث لو كده…

مهندس منسي : إحنا نشتغل في الماكس مام أحسن عشان خاطر ما يحصلناش مشكلة

العميل : طيب يبقى خلاص 180 ْ

مهندس منسي : إحنا بنتكلم على الماكس مام في الحرارة بالذات لما نيجي نتكلم نتكلم على الماكس مام، لأن إنت ممكن حتة تبقى حرارة تبوظلك المكنة كلها

العميل : آه.. آه.. دي حقيقة لاصق في السخان يبهدل السخان ويبهدل الدنيا

مهندس منسي : وبعدين الأجهزة الالكترونية ديت أجارك الله في صيانتها، أعوذ بالله، أي حاجة بتعتمد على الالكترونيات وصيانتها أعوذ بالله، قاعد بتفك طلاسم، غير الميكانيكا والباور

العميل : لا دي مكنة سهلة الحقيقة، آه طبعاً عندك حق

مهندس منسي :… البرنترات سهلة؟

العميل : عشان البرنتر اللي جنبك ديت …. طب ارميها

مهندس منسي : آه.. آه.. إنت عارف على أد إيه هي سهلة بس هي في الآخر فكر غيرك، هي دي المشكلة في الالكترونيات بالذات أي حاجة بتحمل بردة أو كده ده فكر غيرك مش فكرك، ولا هوه فكر عالمي، ده فكر إنت ما…

العميل : لا ده فكر شركة معينة صارفة عليه وعايزه تجيب فلوس

مهندس منسي : آه.. آه.. عملوا معادلات خاصة بيهم همه، وإنت بقى عليك تفك الطلاسم دي بقى، لو فكيت الطلاسم يبقى باسم الله ما شاء الله كويس قوي في مكنة واحدة، من كام مليون مكنة بقى في العالم؟؟؟

العميل : عندك حق، خليني بكرة أعدي عليك على آخر اليوم أحسن؟

مهندس منسي : إنت تيجي تنورني

العميل : إنت بكرة الأربعاء موجود في مدينة نصر؟

مهندس منسي : لأ أنا في مدينة نصر النهاردة السبت والثلاثاء

العميل : النهاردة خلاص مش هعرف أجيلك النهاردة

مهندس منسي : آه.. بكرة ببقى في باب الشعرية

العميل : آه… طيب يبقى السبت إن شاء الله، تبقى موجود الصبح ولا بعد الظهر برده

مهندس منسي : أنا مواعيدي كلها مسائية

العميل : بعد الظهر

مهندس منسي : أنا كائن ليلي

العميل : خلاص السبت أعدي عليك، هوه الراجل كان مصمم بكرة الحقيقة ولا بعده ياخد مني أسعار

مهندس منسي : إن شاء الله

العميل : أفرجك الماتيريال وتقولي ده هيبقى تقريباً سعره كذا تقريباً سعره كذا والرول يبقى كذا إن شاء الله

مهندس منسي : ماشي يا غالي

العميل : ماشي يا هندسة يا الله شكراً

مهندس منسي : مع السلامة

العميل : الله يسلمك سلام