خط إنتاج الطحينة من شركة مهندس منسي

المهندس منسي : سلام عليكم.

العميل : وعليكم السلام ورحمة الله وبركاته ، شركة المهندس منسي .

المهندس منسي : أيوة .

العميل : كنت بسأل حضرتك على خط إنتاج الطحينة؟

المهندس منسي : آه المكنة اللي بتصنع الطحينة ، ولا خط إنتاج الطحينة ؟

العميل : مش فاهم .

المهندس منسي : ما هو فيه مكنة كده صغيرة بتعمل الطحينة بتمسك السمسم تفرمه و تحوله لطحينة.

العميل : تمام، بس لازم السمسم يعدي في مراحل عشان يوصل لـ .

المهندس منسي : آه ، أنت كده بتتكلم خط إنتاج ، حضرتك أبعت لنا رسالة فيها طلب استفسارعلى الايميل و إحنا هنتواصل معاك في خلال 48 ساعة، من 48 ساعة لأسبوع .

العميل : طب ماشي ، طب أنا ممكن أجي لكم أنا المصنع وخلاص.

المهندس منسي : ما هو محدش عارف نظامها يديهالك هو كل العملية إنك  أنت لما هتبعت لهم رسالة هما هيتواصلوا مع الفريق بتاعنا في الصين، المراسلات عندنا تتواصل بفريق الصين مع فريق الصين .

العميل :  آه .

المهندس منسي : وهيجيبوا لك الخط بتاعك وهيراسلوك عليه ، أما لو أنت كنت بتستفسر عن مكن التعبئة والتغليف كنت قلت لك حاجاتها في التليفون دلوقتي.

العميل : طب بالنسبة للمكنة الصغيرة دي ظروفها إيه ؟

المهندس منسي : دي بـ .

العميل : , يعني قرابة 30 ألف جنيه  .

المهندس منسي : آه  .

العميل : طب حضرتك اللهم صل على سيدنا محمد ، عرضها أد إيه في طول أد إيه؟

المهندس منسي: هي كل وظيفتها إنها بس بتفرم الـ ، بتفرم السمسم  .

العميل :  جميل أنا ممكن أنا أعدي المراحل دية عند أي سرجه مثلا أحمص وأغسل وأجيب السمسم على الطحن على طول على الشغل على طول .

المهندس منسي : آه ، ماشي مفيش مشكلة  .

العميل : طب هي مساحتها أد إيه؟ و لا وزنها أد إيه ؟

المهندس منسي  : هي بتبقى في حدود… دقيقة واحدة .

العميل : براحتك يا فندم  .

المهندس منسي : في حدود متر× متر × متر ونص .

العميل : متر طول ؟

المهندس منسي : متر طول × متر عرض × ارتفاع متر ونص.

العميل : ايوة في ارتفاع متر و نص، إنتاجها إيه في الساعة أو في اليوم تقريبا ؟

المهندس منسي : بتنتج في الساعة حوالي 25 كيلو ، حوالي 50 كيلو فالساعة أو 25 كيلو  .

العميل : تمام تمام طب بتاخد كهربا إيه 3 فايس ولا 2 فايس ؟

المهندس منسي : فيه 2 و فيه 3 .

العميل : فيه مكنة كده وفيه مكنة كده ؟

المهندس منسي : آه .

العميل : طب معاها جرانتي مثلاً ضمان و كده ؟

المهندس منسي : آه ضمان لمدة سنة ضد عيوب الصناعة وعشر سنين توفير قطع الغيار لحساب العميل.

العميل : تمام تمام ، خلاص ماشي هتواصل مع حضرتك إن شاء رب العالمين.

المهندس منسي : ماشي يا باشا  .

العميل : هي موجودة حضرتك الماكينة في المصنع دلوقتي في الشركة ؟

المهندس منسي : موجودة آه موجودة .

العميل : خلاص أنا لو عديت إن شاء الله في القاهرة لأن أنا من المنصورة بتصل على حضرتك إن شاء الله وأبقى أجي أبص عليها.

المهندس منسي : أبعت لك تليفون المبيعات بقى تابع معاهم .

العميل : مفيش مشكلة يا فندم شكراً.

العميل : ماشي ابعت لي التليفون بالله عليك لو سمحت.