خلاط الميكسر يقلب كريمات و مواد لدنة
المهندس منسي: السلام عليكم
المهندس محمد: وعليكم السلام ورحمة الله وبركاته ازيك يا باشمهندس
المهندس منسي: مين معايا
المهندس محمد: مع حضرتك مهندس محمد خطاب من الشركة الدولية للأعمال الهندسية
المهندس منسي: أهلا وسهلا
المهندس محمد: أهلا بحضرتك حضرتك شركة تصنيع ماكينات تعبئة وتغليف
المهندس منسي: أيوه
المهندس محمد: كنت عاوز أعمل خزان ببل جاكت اللي هو خلاط الميكسر يقلب كريمات وحاجات كده مواد لدنة
المهندس منسي: موجود
المهندس محمد: طيب كنت في عرض سعر أدي لحضرتك المواصفات بتاعته وتبعتلي فيه عرض سعر
المهندس منسي: لو عرض سعر ابعتلنا استفسار على الإيميل وهيردوا عليك فريق المراسلات
المهندس محمد: طيب ايه الإمكانيات الموجودة عند حضرتك بردو علشان أنا أبقى عارف هو طلبي اللي أنا هبعت عليه ولا
المهندس منسي: هو مش أنت بتقول أن أنت عندك تفاصيل عايزها
المهندس محمد: اه عندي تفاصيل عايزها اه
المهندس منسي: طيب ابعتها بقى نقعد نبص عليها
المهندس محمد: طيب هو انتو حضرتكوا مكانكم فين يا باشمهندس
المهندس منسي: احنا عندنا باب الشعرية وحدائق القبة ومدينة نصر
المهندس محمد: اسم الشركة بقى
المهندس منسي: شركة المهندس منسي للصناعات الهندسية والتغليف الحديث
المهندس محمد: طيب ماشي طيب أنا أستأذن حضرتك بس عايز الميل اللي أنا هبعت عليه
المهندس منسي: حاضر
المهندس محمد: أنا أستأذنك ابعتهولي في مسج دلوقتي وأنا أبعت لحضرتك عليه المواصفة ممكن أبعتهالك على الواتس
المهندس منسي: لا ابعتلي على الإيميل مش أنت عايز عرض أسعار
المهندس محمد: اه عاوز عرض سعر اه
المهندس منسي: عرض سعر يبقى على الميل
المهندس محمد: مفيش مشكلة أنا عاوز أبعت لحضرتك المواصفات حالا دلوقتي لأي مش في المكتب
المهندس منسي: لما تروح بالسلامة
المهندس محمد: الله يسلمك ماشى يا باشمهندس حضرتك هتبعتلي الميل
