خط إنتاج عصير من شركة المهندس منسي

 

العميل: السلام عليكم

المهندس منسي: عليكم السلام ورحمة الله وبركاته

العميل: إزيك يا باش مهندس

المهندس منسي: أهلاً بيك

العميل:  الله يخليك، حضرتك كنت عامل إعلان عن خط إنتاج عصير وكده

المهندس منسي: آه

العميل:  هوه حضرتك المعدات بنشتريها من عندكم ولا إزاي ولا الدنيا فيها إيه؟

المهندس منسي: آه ما إحنا عملينها عشان تشتريها من عندنا آه

العميل: طيب هوه خط إنتاج صغير في مصر مش كبير

المهندس منسي: هوه كلمة خط إنتاج… إنت عارف هوه عبارة عن إيه؟؟؟ عن مكنتين 2، مكنة خلط، ومكنة تعبئة وتغليف، بس مافيش أكتر من كده، بس هوه ده خط الإنتاج

العميل: تمام.. مافيش مشكلة، طيب تعبئة أتوماتيك ولا تعبئة بضطر فيها…

المهندس منسي: هنا بقى بنبدأ نسأل العميل عدد من الأسئلة ونتحاور معاه، اللي هوه مثلاً هيعبي في عبوات ولا هيعبي في أكياس؟

العميل: تمام… لو عبوات…

المهندس منسي: وبعد كده نبدأ نسأله: إنت عايزه نص أتوماتيك ولا أتوماتيك؟

العميل: تمام..

المهندس منسي: طب لو نص أتوماتيك الطاقة الإنتاجية المطلوبة أد إيه؟ ولو أتوماتيك الطاقة الإنتاجية المطلوبة أد إيه؟

العميل: اه

المهندس منسي: طب لو ما عندكش ردود لكل الحاجات ديت، طب ممكن تخش على الموقع بتاعنا تقلب فيه كذا مرة وتشوف المكن وبعد كده تبدأ نتصل مع بعض تاني

العميل: تمام مافيش مشكلة هوه في الموقع فعلاً قدامي أهوه، هي التكلفة من كام لكام يا فندم؟

المهندس منسي: ما هوه عملية التكلفة من كام لكام ديت لازم نقعد نتحاور مع بعض شويه، يعني نسأل الأول إنت عايز في عبوات ولا في أكياس؟

العميل: هوه الطبيعي ممكن ده وده، ولا حاجة واحدة؟

المهندس منسي: لأ لو عايز الـ 2 مافيش مشكلة عندي، لو عايز النص أتوماتيك والأتوماتيك أنا مافيش عندي مشكلة

العميل: تمام يا باش مهندس، طب لو نص أتوماتيك يا باش مهندس

المهندس منسي: مكنة التعبئة النص أتوماتيك بتبدأ من

العميل: تمام… طب لو أتوماتيك؟

المهندس منسي: هوه في عبوات ولا في أكياس؟

العميل: لأ في عبوات

المهندس منسي: آه… النص أتوماتيك تبدأ من ، والمكنة الأتوماتيك بتبدأ من 7000

اللي هوه الخط… طيب المكنة التانية بتاعت العصير، آدي كده 7000 ، والعصير نفسه

هوه مافيش أكتر من مكسر، خلاطة، يعني إنت بتجيب البلب واخد بالك، وبتفكه بالمياه، مافيش أكتر من كده، خلاص الصناعات الحديثة النهاردة غيرت المفاهيم

العميل: تمام.. هوه حضرتك منين في القاهرة يا باش مهندس

المهندس منسي: إحنا عندنا حدائق القبة، مدينة نصر، باب الشعرية، 6 أكتوبر

العميل: المساحة اللي المصنع ده ممكن يجي عليها كام × كام؟

المهندس منسي: خلاص الحاجات دي كلها خلاص، يعني عملية المساحات والحاجات ديت ما تشغلش بالك، إنت ممكن تشتغل وإنت قاعد على مكتب، غير أيام زمان

العميل: آه… تمام…

المهندس منسي: الوضع اختلف تماماً، يعني لو إنت قاعد على مكتب وعايز تعبي هتعبي

العميل: آه..

المهندس منسي: لو غرفة 3 × 4 أعملك فيها مصنع

العميل: هوه زي الفل كده…

المهندس منسي: النظام دلوقتي اختلف عن نظام زمان، زمان كان لازم تنكه، وبعدين التنك يطلع بتربنتينا، والتربنتينا تطلع على مش عارف إيه و.. و… لا العلم الحديث غير الحاجات دي كلها، إنت النهاردة بتجيب البامب، بتخلطه بالمياه، هتخلطه بإيه.. ما تخلطوش غير بالمياه، وبعد ما تخلطه تعبيه وخلصت

العميل: حلو زي الفل.. تمام، طيب أنا إن شاء الله نازل قريب لو كده إن شاء الله هاجي لحضرتك زيارة ونشوف الدنيا فيها إيه، ونشوف برده المكان والتركيب وتسليم الناس وكلام من ده صح؟

المهندس منسي: إن شاء الله

العميل: إن شاء الله معالي الباشا

المهندس منسي: أنا هبعتلك تليفونات المبيعات دلوقتي في رسالة هتابع حضرتك معاهم

العميل: تمام.. ماشي يا باشا