خط إنتاج لصناعة المنظفات من شركة المهندس منسي

 

العميل: السلام عليكم

المهندس منسي:  عليكم السلام ورحمة الله وبركاته

العميل: شركة المهندس منسي

المهندس منسي:  أيوه

العميل: حضرتك في خطوط إنتاج لصناعة المنظفات؟

المهندس منسي:  آه

العميل: طب حضرتك الخط ده أصغر خط عندكم في حدود كام؟

المهندس منسي:  هيعمل هوه عبارة عن مكسر بـ، ومكنة تعبئة بـ ، يعني الموضوع كله على بعضه

العميل: تعبئة أتوماتيك ولا نظامها إيه؟

المهندس منسي:  لأ ده نص أتوماتيك… إنما في أتوماتيك بقى هيبقى المكسر ثابت سعره مثلاً عشان يلاحق على الأتوماتيك هيبقى سعره حوالي 2000 ، ومكنة التعبئة الأتوماتيك… إنت عايزها أكياس ولا عبوات

العميل: والله لسه ما قررتش بصراحة أنا بفكر لسه في المشروع…

المهندس منسي:  لا فكر وشوف سوقك إيه وبعد كده كلمني

العميل: طب إنت رأي حضرتك التصنيع كويس بالنسبة للمنتج ده

المهندس منسي:  لأ ما هو أنا بالتأكيد هقولك كويس وزي الفل، وده مافيش أحسن من كده، هوه أنا مش عايز أبيع، ما ينفعش اللي إنت هتشتري منه تقوله إيه رأيك، ممكن أشتري منك كذا، طب إيه رأيك فيه، ما هو بالتأكيد هيقولك كويس، فإنت شوف سوقك الأول وشوف الطاقة الإنتاجية اللي إنت عايزها والحاجات دي وبعد كده اتصل بينا

العميل: طيب حضرتك بالنسبة للتركيبات الكيميائية ديت طبعاً دي أنا اللي مسئول عنها

المهندس منسي:  آه مش تبعنا، لو عايز خبير كيميائي في خبير كيميائي بس بياخد فلوس غالية

العميل: آه.. خلاص ماشي حضرتك أنا بإذن الله هكلم حضرتك تاني

المهندس منسي:  ماشي يا غالي

العميل: ما اتشرفتش باسم حضرتك

المهندس منسي:  المهندس منسي

أهلاً وسهلاً يا باش مهندس

أهلاً بيك

ماشي حضرتك تعبتك شكراً

مع السلامة