خط إنتاج وخلط الديتول السائل من شركة المهندس منسي
العميل : السلام عليكم
مهندس منسي : عليكم السلام ورحمة الله وبركاته
العميل : باش مهندس منسي
مهندس منسي : أيوه
العميل : أيوه يا فندم إزي حضرتك
مهندس منسي : أهلاً بيك
العميل : هوه حضرتك أنا عندي خط إنتاج الديتول، حضرتك كنت كاتب على النت اللي هوه الميكسر اللي هوه زي الاستالس ستيل كده وكاتبلي سعر
مهندس منسي : آه
العميل : هوه حضرتك دلوقتي السعر ده اتغير ولا السعر عامل إيه يعني كسعر مبدئي؟
مهندس منسي : آه هوه في 50 لتر وفي 100 لتر وفي 150 وفي 500 فأنا مش عارف التنك اللي كنت حاطه ده كان سعره كام؟
العميل : كنت حاطط 500 لتر لشركة المهندس منسي للصناعات الهندسية
مهندس منسي : آه…
العميل : الشركة بتاعت حضرتك دي موجودة هنا يعني مكانها فين لو حبينا نبص عليه أو كده؟
مهندس منسي : إحنا عندنا حدائق القبة، مدينة نصر، باب الشعرية، 6 أكتوبر
العميل : دقيقة واحدة… اتفضل حضرتك
مهندس منسي : حدائق القبة، مدينة نصر، باب الشعرية، 6 أكتوبر
العميل : كل دول في كل الأماكن ديت يعني
مهندس منسي : إن شاء الله
العميل : طيب خلاص، طيب هوه حضرتك الخلاط اللي موجود عندي نص طن، طب الطن يبقى بكام؟ والنص طن يبقى بكام؟
مهندس منسي : ده حضرتك لما تيجي إن شاء الله نبدأ نشوف…. لأنه في سنجل جاكت وفي دبل جاكت
العميل : طب أنا حضرتك أنا أوصل الطريق إزاي؟؟ ممكن توصفلي الطريق عشان آجي المصنع يعني وأشوف الأسعار وكده؟
مهندس منسي : هوه حضرتك عايز تيجي أنهي فرع؟
العميل : القريب ليا… خلينا في حدائق القبة، إحنا في حلوان هنا يبقى الأقرب ليا باب الشعرية
مهندس منسي : باب الشعرية آه، هبعتلك العنوان في رسالة حالاً
العميل : طيب حاضر ماشي، وأنا لما أروح هناك.. طب هل في كمان خط لتعبئة الأزايز
مهندس منسي : آه عندنا…
العميل : آه شايف ماكينة التعبئة تحت أهي، طيب ماشي يبقى آجي لحضرتك، هي الأسعار اتغيرت قوي عن الأسعار دي؟
مهندس منسي : لأ هي نفس الأسعار
العميل : طيب ماشي، أنا…
مهندس منسي : إحنا بنسعرها بال عشان خاطر يبقى في ثبات في الأسعار إنما بناخد منك بالمصري عادي
العميل : خلاص ماشي، أنا هاجي لحضرتك بس حضرتك يا ريت تبعتلي الرسالة بعد إذن حضرتك
مهندس منسي : حاضر
العميل : شكراً يا فندم ألف شكر
