خط انتاج زيت الطعام الكامل من شركة المهندس منسي
مهندس منسي : سلام عليكم
العميل : عليكم السلام ورحمة الله وبركاته
مهندس منسي : حضرتك اتصلت بيا إمبارح؟
العميل : آه
العميل : خير أأمرني
مهندس منسي : عايز مكنة استيكر ورق
مهندس منسي : آه موجودة
العميل : عامله كام؟
مهندس منسي : يعني 10000 جنيه مصري
العميل : مكنة أتوماتيك؟
مهندس منسي : لأ دي نص أتوماتيك بتحطلها الاستيكر وبعدين بتلف تاخدها
العميل : لا عايزين الأتوماتيك الكاملة؟
مهندس منسي : عامله 1
العميل : اللي هي بخط إنتاج ولا من غير خط إنتاج؟
مهندس منسي : لأ هوه إنت عايزها بخط إنتاج إزاي؟؟؟ هوه خط إنتاج يعني مجموعة مكن، فإنت عايز مكنة ومعاها مجموعة مكن؟
العميل : لأ مكنة لوحدها
مهندس منسي : آه ما هي مكنة لوحدها عامله 1، تقوم إنت تاخدها تركبها على خط الإنتاج بتاعك
العميل : عامله كام مصري يعني
مهندس منسي : أشرحلك بقى يعني إيه خط إنتاج؟ خط إنتاج يعني عدد من المكن، إزاي؟؟؟ يعني أنا عايز أنتج منتج، فالمنتج ده مثلاً وات إيفر أياً كان، مثلاً نقول المنتج ده عبارة عن إن أنا هعبي إزازة زيت، لما آجي أعبي إزازة زيت يبقى عندي عدد من المكن، مكنة تعبئة، ومكنة قفل الغطا، ومكنة لصق الاستيكر، ومكنة وضع السليف شرينك من فوق، ومكنة مثلاً رص العبوات، والسير اللي بيوصل بينهم، فده خط إنتاج، أما المكنة نفسها فدي اسمها مكنة، المكنة ديت بنحط مكنة جنب مكنة جنب مكنة جنب مكنة نبدأ نقول عليه إيه خط إنتاج
العميل : إيه الفرق بقى بين خط الإنتاج والمكنة؟
مهندس منسي : المكنة دي بتبقى قطعة واحدة بس من خط الإنتاج
العميل : طيب أنا عايز أسأل على المكنة بس لوحدها
مهندس منسي : آه المكنة لوحدها دي عامله 1 يعني 110000 جنيه مصري، علماً بأننا نقبل التعامل بالجنيه المصري، يعني أنا أسميلك بال علشان خاطر السعر مش كل شويه يطلع وينزل، إنما لو جيت جبت الفلوس بالمصري مش هقولك لأ، هقولك تعالى هات، طب لو جيت إدتهالي بال، هعملك خصم لل عشان إنت برده تعبت ورحت اشتريته، إنما لو إنت جيبتلي بالمصري عادي هخده منك مش هقولك لأ، طب لو جيبتلي بالريال السعودي برده مش هقولك لأ، هاخد منك برده
العميل : طب خط الإنتاج الكامل عامل كام؟
مهندس منسي : ما هو خط إنتاج إيه بقى اللي إنت عايزه؟
مهندس منسي : خط إنتاج زيت دوت يعني خط إنتاج الزيت من أول مرحلة التعبئة؟ ولا خط إنتاج زيت من أول ما بنحط البذور ونعصرها؟
العميل : من أول التعبئة
مهندس منسي : نبدأ بقى يا سيدي نتكلم مع بعض واحدة واحدة، مكنة التعبئة في منها نص أتوماتيك وفي منها أتوماتيك
العميل : أيوه الأتوماتيك
مهندس منسي : النص أتوماتيك بيبقى 1 نزل و 2 نزل و 4 نزل، يعني إيه 1 نزل؟؟ يعني مخرج واحد بتنزل عبوة عبوة، يعني إيه 2 نزل؟؟؟ يعني مخرجين بتعبي 2 ـ 2، يعني إيه 4 نزل؟؟ يعني 4 مخارج بتعبي 4 عبوات في الضربة الواحدة
العميل : آه
مهندس منسي : طيب نيجي بقى نفسرهم واحدة واحدة، 1 نزل عامله ، والـ 2 نزل عامله ، والـ 4 نزل عامله
مهندس منسي : طيب نبدأ بقى في وحدة التعبية الأتوماتيك بتبدأ من 2 نزل، الـ 2 نزل بتعمل ، والـ 4 نزل أتوماتيك بتعمل 7000 ، معايا
العميل : أيوه معاك يا باشا
مهندس منسي : نيجي للإنتاجية بتاعت الـ 4 نزل 6 طن في الساعة، طيب الإنتاجية بتاعت الـ 4 نزل في النص أتوماتيك بتعمل 5 طن في الساعة
العميل : أيوه
مهندس منسي : بعد ما عبينا نبدأ نقول إيه؟؟؟ بعد وحدة التعبية نبدأ نقول وحدة الكابينج وحدة قفل الغطا، مكنة قفل الغطا….
العميل : خط الإنتاج الكامل
مهندس منسي : ما هو أنا أعدلك أهوه يا ابن عمي، إنت زقهت مني
العميل : لا يا عم أزهق منك ليه، أنا عايز أعرف خط الإنتاج الكامل عامل كام؟
مهندس منسي : ما هو أنا بقولك أهوه، إنت ما فهمتنيش
مهندس منسي : 110000 آه يعني 1 الليبول الأتوماتيك، إنما النص أتوماتيك عامله يعني 10000 جنيه مصري
العميل : يعني هي بتلصق ورق استيكر بس ولا بتلصق كل العبوات؟
مهندس منسي : بتلصق كل العبوات
العميل : استيكر ورق مش بلاستيك
مهندس منسي : آه استيكر ورق وبلاستيك وتلصق كل العبوات
العميل : وتعمل كام كيس في الساعة؟
مهندس منسي : هوه إنت هتلصق على عبوات ولا هتلصق في أكياس؟
العميل : هلصق على عبوات أزايز زيت
مهندس منسي : آه.. آه.. هي بتعمل 10 متر في الدقيقة
مهندس منسي : يعني تعمل إيه بقى، تمسك العبوة بتاعتك وتشوف قطرها كام، شوف المحيط بتاعها كام وتقفل المتر على المحيط، لما نييجي نقول مثلاً محيط العبوة 7 سم، يعني قول 21 سم محيط، يعني 50 عبوة في الدقيقة، نقوم نعمل إيه عشان خاطر الـ 4 نزل نقوم نقول المكنة الأتوماتيك تعمل كام واحدة في الدقيقة، نقول المكنة الأتوماتيك بتعمل 120 عبوة في الدقيقة
العميل : أيوه.. أيوه معاك
العميل : خلاص ماشي يا فندم
مهندس منسي : ماشي يا برنس مع السلامة
