خط انتاج صابون سائل صغير من شركة المهندس منسي

العميل : مساء الخير.

المهندس منسي : مساء الخير يا فندم.

العميل : أنا طلبت حضرتك عشان خط إنتاج الصابون السائل وقلتولي هتبعتولي إيميل، فأنا بعت على الموقع اللي حضرتك إدتهولي الإيميل ومحدش بعتلي حاجة.

المهندس منسي : طب عايزة خط إنتاج صابون سائل إزاي؟

العميل : يعني عايزة أعمل مصنع، بس اللهوه الصغير، يعني نبتدي صغير.

المهندس منسي : بصي يا ستي هي العملية مش محتاجة إيميل ولا محتاجة حاجة، هو عبارة عن مكسر ومكنة تعبئة بس، مش أكتر من كده.

العميل : بس هوه مكسر ومكنة تعبئة؟

المهندس منسي : بس مفيش أكتر من كده، هوه ده الصابون السائل.

العميل : طب وتكلفة المكن كام.

المهندس منسي : المكسر بيبدأ من 700 ، ومكنة التعبئة بتبدأ من 430 ، في حاجة كده صغنونة تنفع في قلب البيت.

العميل : لا أنا مش حاجة في قلب البيت أنا عايزة أكبر.

المهندس منسي : ما أنا جايلك أهو، تبدأي بعد الخطوة التانية، الخطوة التانية ديت مكسر أكبر شويه اللي هوه 100 لتر مثلاً مع مكنة تعبئة مثلاً بتعمل ، هنا بقى الاختلاف في الأسعار بقى بيبدأ حسب اختلاف المكسر نفسه.

العميل : يعني حسب المكسر بقى، يعني أنا لو جيبت أكبر هيزيد السعر ده.

المهندس منسي : أيوه.

العميل : يعني هم المكنتين دول بس، طب والتعبئة بقى في الأزايز اللتر الكبير وفي الجراكن وكل حاجة.

المهندس منسي : إن شاء الله.

العميل : طب والأكياس.

المهندس منسي : نعم.

العميل : والأكياس البلاستيك ليها مكنة صح خاصة بيها.

المهندس منسي : آه أكياس البلاستيك دي مكنة والعبوات دي مكنة.

العميل : آه ماشي.

المهندس منسي : المكنة النص أتوماتيك دي تقدر تعبيلك الأكياس وتقدر تعبيلك العبوات، أما لو هتشتغلي أتوماتيك لازم تاخدي يا مكنة عبوات يا مكنة أكياس.

العميل : آه.. لا أنا عايزها نص أتوماتيك.

المهندس منسي : آه.

العميل : خلاص ماشي.. يعني في حدود 100 لتر، طب لو 200 مثلاً أو حاجة أكبر، وطب في حاجة تانية بتعبي حاجة تانية ولا دي بتعبي كل حاجة غير الصابون السائل؟

المهندس منسي : تعبي كل أنواع السوائل، كلها دون استثناء.

العميل : كل أنواع السوائل، وكل المقاسات.

المهندس منسي : آه.

العميل : طب وحضرتك بقى لو طلبت حضرتك في أي وقت تبقى… في مكان ليكم يعني.

المهندس منسي : نعم..؟

العميل : لو طلبت حضرتك في أي مكان بتيجوه مش كده؟

المهندس منسي : إن شاء الله.

العميل : بيركبوه وكل حاجة ويعرفوني طريقة التشغيل وكله.

المهندس منسي : إن شاء الله.

العميل : خلاص ماشي شكراً، مع السلامة.