خط انتاج صغير للصابون السائل الاتوماتيك من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : مهندس منسي

المهندس منسي : أيوه

العميل : أخبار حضرتك

المهندس منسي : الحمد لله

العميل : معاك محمد عطر مصري مقيم في الإمارات

المهندس منسي : أهلاً بيك

العميل : أهلاً بحضرتك يا فندم إن شاء الله نازل مصر عايز خط إنتاج الصابون السائل، اللي هوه الآلي، مافيش حد يمسك بإيده… أنا شفت لحضرتك فيديو على اليوتيوب مضطر أجيب موظف هوه اللي يحط بإيده بالإزازة أو بالعبوة وهوه اللي بيعبي وبعدين هوه اللي بيغلف بإيده، لأ أنا عايزها تبقى الخط كامل التغلفة والتعبئة آلية

المهندس منسي : إن شاء الله، هوه أي حاجة أياً كانت في الدنيا كلها نقدر نميكنها في لحظة، نخليها أتوماتيك، يعني مثلاً إنت شفت دلوقتي خط الخط دوت بيبقى إيه، الأول خلط وبعد الخلط بيبقى تعبئة

العميل : تمام

المهندس منسي : إنت عايز مرحلة التعبئة دي تبقى أتوماتيك، دي مافيهاش مشكلة بالنسبة لنا، ولكن إحنا بنشوف المكن دلوقتي العملية ستيب، ستيب يعني خطوات، خطوات يعني إيه؟؟ يعني عملية الخلط دي تمت، ففي مرحلة بتشفط من الخلط أتوماتيك وتودي فين، مكنة التعبئة، يبقى العميل ماهوش فلوس كفاية إنه يغطيها، فيضطر إنه يجيب عامل على إنه يجيب المكنة اللي هي تغطيها، بس مافيش أكتر من كده

العميل : الله ينور عليك

المهندس منسي : بس أياً كان أي مرحلة أياً كانت في الدنيا كلها نقدر نميكنها

العميل : طيب يا باش مهندس أستأذنك لو الماكينة بالوضع الحالي سعرها كام؟ ولو إحنا هنخليها حضرتك تميكنها وتعملها آلي سعرها هيكون كام؟ أنا عايز خط كامل بحيث إنه هوه إيه يشتغل بحاله يعني

المهندس منسي : آه.. هوه خط بتاع الصابون السائل أول مرحلة منه اللي هي إيه الخلط، مرحلة الخلط، يعني مرحلة المكونات، فإحنا ممكن نعمل إيه، هوه المفروض خلط المكونات وبعد خلط المكونات يبقى تنك تخزين على أساس تسحب منه، فإحنا ممكن نقول خلط المكونات في الأول وبعد كده إيه لو في إمكانية مادية نحط التانك بتاعها

العميل : طيب أنا بصراحة أنا شفت الويب سايد بتاع حضرتك بس ما شفتش أسعار، يعني مش مكتوب عليها أسعار

المهندس منسي : لا لو دخلت على إم تو باك دوت كوم، أو إم تو باك دوت إيجي هتلاقي الأسعار

العميل : ما انتبهتش للموقع التاني بصراحة، طب هوه كام تقريباً حضرتك

المهندس منسي : هقولك أنا… هوه الخلاط سعره بيدأ من ، يعني 6000 جنيه مصري

العميل : تمام

المهندس منسي : والتعبئة النص أتوماتيك بتبدأ من 750 ، يعني 7500 جنيه

العميل : طيب لو ماكينة بتاعت لصق الاستيكر، لو أنا مثلاً عايز أعمل صابون زي شفت حضرتك اللي هوه زي الفيري أو البريل اللي هوه نفس الضغط الكبس ده، وفي منه اللي هوه نظامها عبارة عن زي طرمبة صغيرة كده أو تضغط عليها زي اللايف بوي أو ديتول تضغط عليها تنزل، هل في…

المهندس منسي : ابعتلي بقى الأشكال ديت اللي إنت عايزها على الإيميل عشان أنا مش متخيلها، لأن طول النهار الناس يقعدوا يقولك إيه شكل كيس الشيبسي اللي مش عارف إيه، وشكل كيس العصير اللي مش… طب أنا بقى….

العميل : لا دي عطلة على حضرتك فعلاً، لأ إنت كده تنشغل كتير ، أنا حاجة تانية أسأل حضرتك، اللهم صلي على سيدنا محمد رسول الله، المكونات المواد نفسها عند حضرتك بتوفرها أو في حد بيوفرها؟

المهندس منسي : لا المواد بتاعت تركيب الصابون السائل دي مش عندي، أما المكن والتعبئة والحاجات ديت عندي

العميل : طيب تمام.. خلاص مافيش مشكلة، أنا هوصل بس البيت أستأذنك تبعتلي إيميل حضرتك في رسالة وأنا إن شاء الله هوصل بس البيت

المهندس منسي : أنا بكتبلك وانا في الطريق هبعته لحضرتك إن شاء الله

العميل : إن شاء الله

المهندس منسي : مع السلامة

العميل : إن شاء الله يا باش مهندس تكون فتحت خير بينا بإذن الله

المهندس منسي : ربنا ييسر الأمور

العميل : اللهم آمين يا رب ماشي يا باش مهندس إن شاء الله أنتظر…